Televiadučaja Ksienija Sabčak abviaściła ab rašeńni ŭdzielničać u vybarach prezidenta Rasii, jakija projduć u sakaviku 2018 hoda. Pra heta jana paviedamiła ŭ liście dla haziety «Viedomosti».
«Ja Ksienija Sabčak, mnie 35 hadoŭ, usio svajo žyćcio ja žyvu i pracuju ŭ Rasii, i mnie nie ŭsio roŭna, jakoj budzie maja kraina. Ja adkazna staŭlusia da lubych dziejańniaŭ na hramadskaj nivie, i, uśviadomiŭšy ŭsie ryzyki i niejmaviernyja ciažkaści takoj zadačy, ja vyrašyła, što moj udzieł u prezidenckich vybarach sapraŭdy moža być krokam na šlachu da hetak nieabchodnym našaj krainie pieraŭtvareńniaŭ», — napisała jana.
Na dumku Sabčak, jaje vyłučeńnie moža stać karysnym i dla apazicyi, i dla ŭsiaho hramadstva.
Jana taksama raskrytykavała ideju bajkotu vybaraŭ, paraŭnaŭšy siabie z hrafoj «suprać usich». «Ja suprać revalucyi. Ale ja — dobry pasiarednik i arhanizatar», — zapeŭniła televiadučaja.
Asnoŭnyja jaje punkty prahramy takija:
- pazbavić dziaržavu kantrolu nad pradpryjemstvami;
- asłabić padatki dla pradprymalnikaŭ;
- adabrać va ŭładaŭ instrumienty prapahandy;
- admianić «pakiet Jaravoj»;
- zrabić sudy niezaležnymi;
- pazbavić relihijnyja arhanizacyi hrošaj ź biudžetu;
- admianić usie dyskryminacyjnyja zakony.
Poŭny tekst lista možna pračytać tut.
U vieraśni «Viedomosti» pisali, što ŭ administracyi prezidenta padumvajuć ab tym, kab vystavić žančynu ŭ jakaści «sparynh-partniora hałoŭnaha kandydata ŭ prezidenty». Idealnym kandydatam blizkija da administracyi krynicy nazyvali Sabčak. Paźniej šerah ŚMI paviedamiŭ, što jana ŭžo šukaje kiraŭnika pieradvybarčaha štaba, ale pakul biez asablivych pośpiechaŭ.
Vybary prezidenta Rasii pavinny adbycca 18 sakavika nastupnaha hoda. Kiraŭnik dziaržavy budzie abrany na šaścihadovy termin. Dziejny prezident Uładzimir Pucin maje prava bałatavacca, ale pakul nie abjaŭlaŭ ab takim namiery.
Čytajcie taksama:
«Sabčak — kandydat u prezidenty? Značyć, i ŭ nas typu takoje budzie?» — internet abmiarkoŭvaje
-
Čatyry kampanii ź biełaruskimi karaniami zdoleli prabicca ŭ top-2000 najbujniejšych biznesaŭ Polščy
-
Pierakładčyca ŭ Jeŭraparłamiencie płakała, pierakładajučy raskaz 11‑hadovaha ŭkrainskaha chłopčyka VIDEA
-
«Madura zastaŭsia zusim adzin». Ci pryjduć na dapamohu Vieniesuele jaje šmathadovyja sajuźniki?
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ4
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3232
Kamientary