U hamialčanki zabirajuć dziaciej, bo jana nie płacić za kamunałku? Nie ŭsio adnaznačna
Žycharka Homiela Alena Mikulič paskardziłasia ŭ niezaležnyja ŚMI na sacyjalnyja słužby, jakija nibyta źbirajucca adabrać u jaje dziaciej. Žančyna haduje ich adna. Jana nie maje stałaj pracy, a voś pazyka za kamunalnyja pasłuhi ŭžo dasiahaje $1000.
Ahułam u žančyny čaćviora dziaciej, ale dvoje ŭžo paŭnaletnija (dačka žyvie asobna, syn — u vojsku). Dvoje małodšych žyvuć z Alenaj.
Dva hady tamu, kali ŭsie dzieci byli jašče niepaŭnaletnimi, siamja atrymała 4-pakajoŭku — sacyjalnaje žyllo.
Ale ŭvieś čas siamju pieraśledavali prablemy. U 2015 hodzie dačce Aleny prysudzili 11 miesiacaŭ u śpiecustanovie dla niepaŭnahadovych u Pietrykavie — skrała žanočuju sumku.
U pačatku 2016 hoda, kali Alena pozna viartałasia dadomu, jaje zatrymała milicyja. Byŭ składzieny administratyŭny pratakoł («Nibyta ja nieadekvatna siabie pavodziła», — uzhadvaje Alena). Paśla hetaha ŭ žančyny zabrali dziaciej, a sama jana atrymała štraf pamieram 2 bazavyja. Praŭda, praz try miesiacy rašeńniem suda dziaciej viarnuli.
Dalej pačalisia niezrazumiełyja padziei.
«Sacyjalnyja słužby pavinny byli praviarać, jak žyvuć dzieci. Try miesiacy nichto nie prychodziŭ, a paśla pačaŭsia pieraśled, orhany apieki pačali łamicca da nas. Ja pačała chavacca, žyła ŭ znajomych, u siabroŭ», — kaža Alena.
Navošta jana chavałasia, žančyna ŭciamna patłumačyć nie moža. Małodšaja dačka nie chadziła ŭ sadok, pakul siamja «chavałasia», starejšy syn prapuskaŭ škołu.
Alena straciła pracu na miascovym pradpryjemstvie «Śpieckamuntrans». Jaje zvolnili za biespryčynnyja prahuły, ale sama žančyna kaža, što była zvolnienaja biespadstaŭna i źbirajecca sudzicca z pradpryjemstvam.
Naturalna, pačalisia prablemy z hrašyma. Ad sakavika Alena nie płacić za kamunalnyja pasłuhi. Doŭh składaje ŭžo amal $1000.
Alena padpracoŭvaje to tut, to tam — kapała aharody, dahladała čužych dziaciej — ale hrošaj mała. 16-hadovamu synu płaciać piensiju za stratu karmilca (baćka traich starejšych dziaciej pamior), aproč taho, časam daje hrošaj baćka małodšaj dački.
«Na alimienty ja nie padavała, bo jon papiaredziŭ, što budu atrymlivać ad jaho tolki pa zakonie 150 rubloŭ. A tak jon to 200 rubloŭ moža dać, to 300, — kaža Alena. — Uvohule, spačatku jon nie pryznavaŭ dačku, ciapier, zdajecca, choča mirycca, iznoŭ z nami žyć».
Kožny miesiac vychodziać roznyja sumy. Apošni raz u Aleny było kala 600 rubloŭ na miesiac. Jana razdała daŭhi, na kamunałku nie chapiła.
Pradać kvateru žančyna taksama nie moža — žyllo sacyjalnaje.
Sama jana kaža, što hatovaja pryniać dapamohu, prosić, kab joj pieraličyli hrošy na mabilny telefon. Paśla, kaža Alena, jana zakryje numar i apieratar dazvolić joj źniać hrošy, jakija buduć na rachunku.
Tym časam 4 kastryčnika kamisija pa spravach niepaŭnaletnich vyrašyła, što dvaich dziaciej zabiaruć ź siamji. Na pasiadžeńnie Alena nie pajšła.
«U 16-hadovaha syna byŭ hipiertaničny kryz, ja vyklikała chutkuju, — kaža žančyna. — Ciapier u kamisii mianie vinavaciać, nibyta ja śpiecyjalna nie pryjšła i prykryłasia daktarami».
Dzieci pakul što z Alenaj — da rašeńnia suda jany buduć ź joj. Kali budzie sud, nieviadoma.
Cikava, što pry ŭsich pytańniach da Aleny Mikulič i jaje historyi ŭ kamisii pa spravach niepaŭnaletnich havaryć pra jaje nie chočuć. Namieśnica staršyni kamisii pa spravach niepaŭnaletnich Čyhunačnaha rajona Homiela Maryna Asadčaja paviedamiła «Našaj Nivie», što admaŭlajecca kamientavać hetuju temu.
Z YouTube vydalili kanały BiełTA, STB i ANT. Ułady pahražajuć kontrmierami44
Kamientary