Na Malcie ŭ paniadziełak była ŭzarvanaja mašyna žurnalistki Dafny Karuany Halicyi, jakaja kiravała rasśledavańniem karupcyi ŭ krainie. Vynikam jaje pracy stała publikacyja ŭ «Panamskaha dakumientach» źviestak, abvinavačvali premjer-ministra krainy
Žurnalistka Dafnie Karuana Halicyja zahinuła pry vybuchu jaje aŭtamabila ŭviečary ŭ paniadziełak, 16 kastryčnika, na Malcie, paviedamlaje Times of Malta. Pakul nieviadoma, što stała pryčynaj vybuchu.
Pa słovach surazmoŭcy vydańnia, vybuch byŭ nastolki mahutnym, što jaje mašyna Peugeot 108, vylecieła z darohi, a abłomki aŭtamabila raskidała pa poli.
Pa dadzienych vydańnia, 15 dzion tamu žurnalistka padavała zajavy ŭ palicyju pra pahrozy. Halicyja žyła ŭ Bidnizie, vybuch adbyŭsia na padjeździe da horada.
Premjer-ministr Malty Džozef Muskat nazvaŭ incydent «varvarskaj atakaj». «Ja nie supakojusia pakul nie pieramoža pravasudździe». - skazaŭ jon. Premjer pryznaŭ, što «usie viedajuć, što Halicyja była žorstkim krytykam» jaho palityki.
Jak piša The Guardian, Halicyja kiravała rasśledavańniem ab karupcyi na Malcie, vynikam jakoha stała publikacyja ŭ «Panamskich dakumientach» źviestak, jakija abvinavačvali premjera krainy ŭ karupcyi. Jaje błoh, u jakim jana raspaviadała ab karupcyi ŭ krainie byŭ nastolki papularny, što pieraŭzychodziŭ nakłady ŭsich miascovych haziet, adznačaje Politico.
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary