U Ministerstvie abarony prajšoŭ bryfinh z padviadzieńniem vynikaŭ pieršaha dnia vučeńniaŭ «Zachad-2017». Vioŭ jaho aficyjny pradstaŭnik Minabarony Biełarusi pałkoŭnik Uładzimir Makaraŭ.
Makaraŭ paŭtaryŭ šmat taho, što ŭžo hučała: nahadaŭ pra scenar vučeńniaŭ, kolkaść zadziejničanych vojskaŭ i h.d.
Infarmacyjny ŭkid Rasii pra pierakidvańnie tankavaj armii ŭ Biełaruś Makaraŭ zakranuŭ pry kancy pramovy.
Pavodle jaho słoŭ, uźniatyja pa tryvozie rasijskija tankavyja častki buduć adpracoŭvać prahramu vučeńniaŭ na palihonach RF. Heta vyśvietliłasia paśla kansultacyj vajskovych viedamstvaŭ dźviuch krain.
«Jany buduć adpracoŭvać prahramu bajavych dziejańniaŭ na troch rasijskich palihonach, jakija zadziejničany ŭ ramkach vučeńniaŭ. Ni Biełarusi, ni inšym dziaržavam heta nie niasie nijakaj niebiaśpieki», — adznačyŭ Uładzimir Makaraŭ.
Na pytańnie ab tym, ci płanujucca sumiesnyja vučeńni z Ukrainaj, jon adkazaŭ: «Adnosiny z braterskim narodam zastanucca dobryja i buduć raźvivacca».
Nahadajem, ranicaj źjaviłasia zajava Minabarony Rasii, što padraździaleńni Zachodniaj vajskovaj akruhi, jakija ŭdzielničajuć u sumiesnych vučeńniach «Zachad-2017», byli padniatyja pa tryvozie i pačali pierakidvańnie asabistaha składu, uzbrajeńnia, vajskovaj i śpiecyjalnaj techniki na palihony ŭ Biełaruś.
Makaraŭ dvojčy padkreśliŭ, što ŭsie rasijskija vojski ŭžo prybyli i inšych nie płanujecca: «Tyja try tysiačy vajskoŭcaŭ užo tut. Usia rasijskaja technika ŭžo prybyła i znachodzicca na palihonach. Prybyćcia inšaj nie płanujecca. Kali na terytoryi Rasii pravodziacca manieŭry, to heta nie ciahnie za saboj pierahrupoŭvańnie vojskaŭ u Biełarusi». «Usie ŭdzielniki vučeńniaŭ viernucca ŭ miescy dysłakacyi, u tym liku rasijskija», — dadaŭ jon.
Čytajcie taksama:
Rasija pa tryvozie padniała tankavuju armiju dla pierakidańnia ŭ Biełaruś
Ciapier čytajuć
Alaksandru Milinkieviču patrabujecca ekstrannaja dapamoha2
Kamientary