Nie kožny dzień vypadaje šaniec zazirnuć u zakuliśsie adnaho z samych znakamitych cyrkavych šou ŭ śviecie. Siońnia my raskažam, jak stvarajucca sceničnyja kaściumy Cyrka dziu Salej — u tym liku dla błokbastara Varekai, jaki z 28 vieraśnia pa 1 kastryčnika zmohuć pabačyć biełarusy.
Kab šou atrymlivalisia jarkimi i ŭ toj ža čas niepadobnymi adzin da adnaho, Cyrk dziu Salej zaprašaje da supracoŭnictva znakamitych dyzajnieraŭ adzieńnia. Naprykład, nad adnym ź niadaŭnich prajektaŭ pracavała modny rasijski madeljer Alena Achmadulina. A kaściumy dla Varekai stvarała Ejka Išyjoka, jakaja maje ŭ svaim aktyvie «Oskara» za pracu ŭ filmie «Drakuła» Frensisa Forda Kopały.
Mastačka natchniałasia pryrodnymi matyvami: raśliny, naziemnyja i padvodnyja žyvioły, siły stychij. Kab paŭniej raskryć ideju pastanoŭki, Ejka Išyjoka pryniała advažnaje rašeńnie zrabić sceničnyja kaściumy bolš abjomnymi. Uličvajučy składanaść trukaŭ, jakija vykonvajuć artysty, sumiaścić takuju kancepcyju ź ich biaśpiekaj było niaprosta. Ale dla kamandy prafiesijanałaŭ Cyrka dziu Salej niama ničoha niemahčymaha.
Ažyćciavić zadumu dapamahali niekalki sotniaŭ supracoŭnikaŭ majsterniaŭ cyrka — kraŭcoŭ, šaŭcoŭ, kapialušnikaŭ. Sumiesnymi namahańniami jany stvaryli kala 2000 pradmietaŭ adzieńnia dla 48 hierojaŭ pastanoŭki. Kab pieravozić taki harderob, patrabujecca try hruzaviki! Kožny kaścium šyli ŭručnuju pa mierkach kankretnaha artysta, i ahułam na heta syšło 33000 hadzin pracy.
Cikava, što šycca sceničnyja kaściumy mohuć navat daŭžej, čym im daviadziecca pasłužyć: u abodvuch vypadkach terminy składajuć 3—4 miesiacy. Pry hetym uvieś niadoŭhi termin słužby adzieńnie treba staranna dahladać: lubaja drobiaź, navat prosta nitki, jakija tyrčać, — heta niepatrebnaja ryzyka pry vykanańni akrabatyčnych trukaŭ. Voś čamu za stan kaściumaŭ padčas hastrolaŭ pilna sočyć ažno 6 ludziej, marnujučy na ich ramont i čystku 250 hadzin štotydzień.
Jak i ŭ spartyŭnaj akrabatyčnaj vopratcy, u kaściumach Cyrka dziu Salej asnoŭnym materyjałam źjaŭlajecca ełastan. Hetaja tkanina vielmi lohkaja, dziakujučy dobraj raściahnutaści nie skoŭvaje ruchi i pry hetym vałodaje vysokaj pavietrapranikalnaściu — słovam, jana idealnaja dla artystaŭ šou. Majsternia zakuplaje ełastan biełaha koleru, a zatym samastojna jaho afarboŭvaje i nanosić prynty.
Majstram, jakija vyrablać abutak dla šou, prychodzicca trochi praściej: čaściakom za asnovu biarucca sieryjnyja ŭzory spartyŭnaha i tancavalnaha abutku. Adnak i jany patrabujuć dapracoŭki, bo ŭ hod artystam cyrka patrebna 3000 par abutku!
Ale ŭnikalnyja kaściumy — tolki častka šou. Hledačoŭ taksama čakaje śpiecyjalna napisanaja dla prahramy Varekai muzyka, mnostva śpiecefiektaŭ, a hałoŭnaje — vielmi składanaja akrabatyka i chareahrafija, jakija prynieśli Cyrku dziu Salej suśvietnuju słavu.
Infarmacyja pra pakazy
Čaćvier, 28 vieraśnia — 20:00
Piatnica, 29 vieraśnia — 20:00
Subota, 30 vieraśnia — 16:30 i 20:00
Niadziela, 1 kastryčnika — 13.30 i 17:00
Košty kvitkoŭ: ad 40 da 180 rubloŭ, dla dziaciej da 10 hadoŭ — kvitki ad 32 da 144 rubloŭ, dzieciam da 5 hadoŭ uvachod biaspłatny.
Kvitki na šou Varekai možna kupić na aficyjnym sajcie cirquedusoleil.com, na sajcie kancertnaha ahienctva «Atam M» www.atomenter.by (biez kamisii), a taksama na sajtach biletnych apierataraŭ i ŭ kasach horada.
Kamientary