Staršynia kancerna «Biellehpram» Mikałaj Jafimčyk padzialiŭsia ŭražańniami ad biełaruskich ilnianych džynsaŭ. Pra heta jon raspavioŭ padčas anłajn-kanfierencyi na sajcie BIEŁTA.
«Ja ŭžo našu biełaruskija lnianyja džynsy. Vielmi niabłaha atrymałasia. Kali było horača, u mašynie jechać značna pryjemniej, čym u zvyčajnych džynsach», — adznačyŭ Jafimčyk.
Jon padkreśliŭ, što kali Aršanski lnokambinat naładzić supracoŭnictva sa «Ściaham industryjalizacyi», to ŭ Biełarusi budzie vyrablacca nie tolki tkanina, ale i hatovy vyrab. «Pakul Aršanski kambinat kala 30% hatovych vyrabaŭ pad ułasnym brendam adšyvaje nie ŭ nas. Kali my budziem pracavać z ułasnymi šviejnikami, budzie značna praściej», — rastłumačyŭ staršynia «Biellehprama».
Mikałaj Jafimčyk raskazaŭ i ab mahčymych varyjantach składu biełaruskich džynsaŭ: «Heta zaŭsiody budzie sumieś: bavoŭna/lon abo bavoŭna/lon/viskoza z łajkraj albo biez łajkry. Jość čysta lnianyja kaściumy, ale heta dosyć śpiecyfičny asartymient».
Adnosna koštu staršynia «Biellehprama» paviedamiŭ, što lnianyja džynsy buduć daražejšyja za bavaŭnianyja anałahi. «Kali havorka idzie pra elitnyja madeli, to moža być i 100 rubloŭ, i bolš. Kali praściejšyja, to, mahčyma, 60-70 rubloŭ», — adznačyŭ jon.
Kamientary