Łukašenka vystupaje za žorstkaje abmiežavańnie destruktyŭnaj infarmacyi ŭ internecie
Pra heta jon zajaviŭ siońnia na Respublikanskaj piedahahičnaj naradzie. Pa słovach kiraŭnika dziaržavy, užo rychtujucca adpaviednyja zakonaprajekty, piša BiełTA. Pytańnie abarony dziaciej ad niehatyŭnaj i niebiaśpiečnaj infarmacyi ŭ internecie ŭźniała adna z udzielnic piedahahičnaj narady.
«Nam treba źviarnuć na heta ŭvahu. I pravaachoŭnyja orhany, i nie tolki. My ciapier rychtujem šerah zakonaprajektaŭ, nakiravanych mienavita na heta.
Nie ŭ tym, kab niedzie zakryć internet, niejkija navat sajty i resursy «piataj kałony». Nie, niachaj pišuć. Ludzi raźbiarucca, — padkreśliŭ Łukašenka. — Ale voś hety destruktyŭ — suicydy i inšaje… Rasijanie ŭžo pryniali šerah rašeńniaŭ. Spachapilisia, ale vielmi pozna. voś nam by hety momant nie vypuścić. Treba vielmi žorstka ŭ hetym płanie pastupić».
Raniej amierykancy napieradzie płaniety ŭsioj biehli, paprakali usich u tym, što kantralujem internet. «A siońnia Donald Tramp sam pryjšoŭ da hetaha i razumieje, što nielha dalej hetuju volnicu raspuskać. Nam treba prymać rašeńni, bo spoźnimsia», — adznačyŭ biełaruski kiraŭnik.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT14
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary