Śledčy kamitet vypuściŭ pamiatku, jak nie stać achviaraj padmanu ŭ sacsietkach
Śledčy kamitet vypuściŭ pamiatku, jak nie stać achviaraj padmanu machlaroŭ u sacsietkach.
Zvyčajna adbyvajecca tak: niechta ŭzłomvaje staronku ŭ sacsietkach i piša siabram achviary z prośbaj pierasłać rekvizity bankaŭskich płaciežnych kartak. Padstavy mohuć być roznymi: dapamahčy pieravieści hrošy, apłacić pasłuhi, atrymać vyjhryš.
Niekatoryja adpraŭlajuć rekvizity, paśla hetaha hrošy z karty śpisvajuć. U vytvorčaści Maskoŭskaha (h. Minska) rajonnaha adździeła Śledčaha kamiteta znachodziacca niekalki dziasiatkaŭ kryminalnych spraŭ, źviazanych ź niesankcyjanavanym dostupam da kampjutarnaj infarmacyi i kradziažom šlacham vykarystańnia kampjutarnaj techniki.
U Śledčym kamitecie dali piać paradaŭ ab tym, jak siabie abaranić. U pieršuju čarhu jany spatrebiacca karystalnikam «Adnakłaśnikaŭ» i «Ukantakcie»
— nie pierachodzić pa spasyłkach, atrymanych u paviedamleńniach ad nieviadomych karystalnikaŭ, asabliva pa spasyłkach, jakija źmiaščajuć fotavyjavy samich karystalnikaŭ (ich siabroŭ), tekstavyja paviedamleńni: «adkul tut tvajo fota», «klikni i atrymaj 50 łajkaŭ da fota» i inšyja;
— pry pastupleńni paviedamleńniaŭ ad asob, jakija znachodziacca ŭ katehoryi «siabry» z prośbami ab pradastaŭleńni rekvizitaŭ bankaŭskich płaciežnych kartak, nie adkazvać na padobnyja paviedamleńni, a źviazvacca z dadzienymi karystalnikami naŭprost z dapamohaj inšych srodkaŭ suviazi;
- nia pierasyłać rekvizity i fotavyjavy bankaŭskich płaciežnych kartak, CVV kodaŭ, sieansavych klučoŭ da sistemy Internet-bankinh, a taksama asabistych dakumientaŭ;
- pry vyjaŭleńni faktu błakavańnia asabistaha dostupu da akaŭntaŭ sacyjalnych sietak, nieadkładna adnaŭlać da ich dostup albo błakavać, adrazu ž papiaredžvać pra heta asob, ź jakimi mieli kantakt z dapamohaj dadzienych sacyjalnych sietak;
— nie pieraličvać hrašovyja srodki na rachunki elektronnych kašalkoŭ, kart-rachunku bankaŭskich płaciežnych kartak, rachunki sim-kart pa prośbie karystalnikaŭ.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar10
Kamientary