Respublikanskamu navukova-praktyčnamu centru miedycynskich technałohij vydzielać 125 młn dalaraŭ pazyki Suśvietnaha banka na madernizacyju sistemy achovy zdaroŭja. Jak paviedamlaje pres-słužba kiraŭnika dziaržavy, adpaviednaje rasparadžeńnie 21 žniŭnia padpisaŭ Alaksandr Łukašenka.
Zhodna z rasparadžeńniem, RNPC miedycynskich technałohij, infarmatyzacyi, kiravańnia i ekanomiki achovy zdaroŭja vyłučajucca srodki pazyki na sumu 125 młn dalaraŭ, ad płaty za karystańnie hetymi srodkami ŭstanova budzie vyzvalena.
Rasparadžeńnie № 135rp nakiravana na realizacyju pahadnieńnia ab pazycy pamiž Biełaruśsiu i Mižnarodnym bankam rekanstrukcyi i raźvićcia, jakoje było padpisany 25 listapada 2016 hoda i ratyfikavanaje 10 krasavika 2017 hoda.
Dakumient praduhledžvaje realizacyju prajekta «Madernizacyja sistemy achovy zdaroŭja Respubliki Biełaruś» (pieryjad vykanańnia da 31 maja 2022 hoda). Płanujecca stvareńnie centralizavanaj intehravanaj infarmacyjnaj sistemy achovy zdaroŭja, raspracoŭka i ŭkaranieńnie sistemy padtrymki kliničnych rašeńniaŭ na asnovie infarmacyjnych technałohij, u tym liku praviadzieńnie adpaviednaha navučańnia, zakupka nieabchodnaha prahramnaha i aparatnaha zabieśpiačeńnia.
Praduhledžvajecca taksama budaŭnictva respublikanskaha simulacyjnaha centra (centr padrychtoŭki i pierapadrychtoŭki lekaraŭ), u tym liku bijałabaratoryi, a taksama ramont łabaratoryj pa adpracoŭcy navykaŭ u 21 miedycynskaj ustanovie. Akramia taho, płanujecca rekanstrukcyja adździaleńnia intensiŭnaj nieanatalnaj dapamohi ŭ RNPC «Maci i dzicia».
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy82
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
Kamientary