Pientahon i Dziarždepartament ZŠA raspracavali płan pastaŭki Ukrainie supraćtankavych rakiet i inšych uzbrajeńniaŭ i ciapier čakajuć ad Biełaha doma adabreńnia hetaha płana. Ab hetym piša hazieta The Wall Street Journal sa spasyłkaj na krynicy ŭ Pientahonie i nienazvanych amierykanskich dypłamataŭ, piša rbc.ru.
Surazmoŭcy vydańnia padkreślivajuć, što zbroja, jakuju jany acharaktaryzavali jak abarončuju, pryznačana dla strymlivańnia «ahresiŭnych dziejańniaŭ Maskvy».
Aficyjny pradstaŭnik Pientahona Mišel Bałtansa zajaviła, što ZŠA «nie vyklučajuć varyjant» pastavak «letalnaha ŭzbrajeńnia Ukrainie». Kiraŭnik Pientahona Džejms Mecis paćvierdziŭ najaŭnaść płana, śćviardžajuć krynicy vydańnia.
U svaju čarhu pradstaŭnik administracyi ZŠA zajaviŭ haziecie, što nijakaha rašeńnia pa hetym płanie na dadzieny momant niama. Jon udakładniŭ, što na naradzie ŭ Biełym domie, jakaja prajšła na minułym tydni i dzie abmiarkoŭvałasia Rasija, pra hety płan nie havaryli. Surazmoŭca dadaŭ, što Donald Tramp ab płanie nie prainfarmavany, i jaho pazicyja na dadzieny momant nieviadomaja.
Na zaćviardžeńnie dadzienaha płana mohuć syści miesiacy, prahnazujuć krynicy haziety.
U kancy lipienia ŭ zonie kanfliktu ŭ Danbasie pabyvaŭ śpiecyjalny pradstaŭnik Dziarždepu ZŠA pa Ukrainie Kurt Vołkier. Tady ž jon vykazaŭsia za pastaŭku zbroi Kijevu, kab dapamahčy jamu spravicca z «pahrozami Maskvy».
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary