Načalnik palicyi Minieapalisa Dženi Charta padała ŭ adstaŭku paśla taho, jak adzin ź jaje aficeraŭ zastrelili biazzbrojnuju žycharku Aŭstralii. Džaścin Dajmand sama vyklikała palicejskich, pačuŭšy žanočyja kryki, i atrymała kulu ŭ žyvot.
Palicejski načalnik zrabiła zajavu ab adstaŭcy ŭ piatnicu pa prośbie mera Bietsi Chodžes, jakaja skazała, što jana i žychary horada stracili davier da Charty.
Žycharka Sidneja, jakaja žyła ŭ ZŠA, była zabitaja na minułym tydni. Jaje hibiel vyklikała vialiki rezanans u jaje na radzimie. Premjer-ministr Aŭstralii Malkalm Ternbuł nazvaŭ toje, što adbyłosia «nievytłumačalnym» i «šakavalnym zabojstvam».
40-hadovaja aŭstralijka sama patelefanavała ŭ palicyju, kab paviedamić, što čuje kryki žančyny pobač sa svaim domam u prestyžnym pryharadzie Minieapalisa. Adzin z dvuch palicejskich, jakija prybyli pa vykliku, nie vychodziačy z palicejskaj mašyny, adkryŭ ahoń pa Džaścin Dajmand i zabiŭ jaje.
Streły prahučali ŭ toj momant, kali Dajmand padyšła da palicejskaj mašyny, kab raskazać pra mierkavanaje zhvałtavańnie.
Advakat siamji Dajmand nazvaŭ śmiešnymi zdahadki ab tym, što palicejskija mahli adčuć pahrozu ź jaje boku. Raniej načalnik haradskoj palicyi kazała, što dziejańni Machamieda Nury, što streliŭ u žyvot žančynie, supiarečać tamu, čamu vučać palicejskich.
Sam palicejski admoviŭsia adkazvać na pytańni śledčych. Zakon dazvalaje jamu zrabić heta.
Padčas trahičnaha incydentu nie pracavali videakamiery, jakija pavinny nasić ŭsie palicejskija Minieapalisa, a kamiera, ustalavanaja ŭ mašynie, nie zmahła zafiksavać momant zabojstva.
U sieradu palicyja apublikavała rasšyfroŭku dvuch zvankoŭ Dajmand ŭ słužbu 991, u jakich jana paviedamlała pra pačutyja joju žanočyja kryki. «Ja nie ŭpeŭnieny, ci jana zajmałasia seksam, ci była zhvałtavanaja», - skazała aŭstralijka apierataru, pierad tym jak nazvać svoj adras.
Džaścin Dajmand pierajechała ŭ ZŠA, kab vyjści zamuž.
Kamientary