U Kaściukovickim rajonie šukajuć 90-hadovuju piensijanierku, jakaja pajšła ŭ les u hryby i nie viarnułasia, paviedamili va UUS Mahiloŭskaha abłvykankama.
Pa dapamohu ŭ pošuku siastry jašče 16 lipienia źviarnułasia 85-hadovaja žycharka vioski Jahoraŭka. Na miesca była nakiravanaja śledča-apieratyŭnaja hrupa RAUS, pravodziacca pošukavyja mierapryjemstvy, u jakich, akramia supracoŭnikaŭ rajadździeła, udzielničajuć ratavalniki ź miascovaha RANS, dobraachvotniki i svajaki žančyny. Dla kaardynacyi pracy prybyli apieratyŭniki z adździeła vyšukovaj pracy ŭpraŭleńnia kryminalnaha vyšuku UUS.
Hrupa paźmienna abśleduje lasny masiŭ. Usich, kamu što-niebudź viadoma pra miescaznachodžańnie źnikłaj, prosiać paviedamić pra heta ŭ milicyju pa teł. 102.
Pavodle danych UUS, vypadki, kali hrybniki hublajucca ŭ lesie, nie adzinkavyja. Tak, try hadziny šukali 43-hadovaha dačnika babrujskija ratavalniki, padobny incydent adbyŭsia 16 lipienia ŭ lesie kala vioski Duboŭka. Noč u lesie ź minułaj piatnicy na subotu pravioŭ 76-hadovy piensijanier u Čerykaŭskim rajonie.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary