Biełarusy akazalisia ŭ lidarach Jeŭropy pa rasiźmie
Šyroka raspaŭsiudžanaje mierkavańnie ab biełarusach jak vyklučna talerantnaj nacyi akazałasia asprečana daśledavańniem navukoŭcaŭ Harvardskaha ŭniviersiteta ŭ ZŠA. Va ŭsiakim vypadku, da ludziej ź ciomnym koleram skury našy suajčyńniki staviacca daloka nie najlepšym čynam. Bolš za toje, jak vyśvietliłasia padčas testaŭ, jakija pravodziacca na śpiecyjalna stvoranym dla hetaj mety resursie Project Implicit, pa rasiźmie my — u trojcy lidaraŭ usioj Jeŭropy.
«Indeks rasizmu» ŭ Biełarusi, jak pakazali testy, prapanavanyja hramadzianam roznych krain, składaje 0,435. A absalutnymi lidarami ŭ Jeŭropie pa dadzienych pakazčykach akazalisia žychary Čechii z pakazčykami 0,447. Na druhim miescy — našy susiedzi litoŭcy ź ličbaj 0,444.
Takim čynam, u rejtynhu jeŭrapiejskich rasistaŭ biełarusy zajmajuć «hanarovaje» treciaje miesca. Cikava, što mnohija našy susiedzi, naprykład, žychary Ukrainy (0,429), (0,388 Polščy) i Łatvii (0,377), staviacca da ludziej ź ciomnym koleram skury našmat bolš pazityŭna.
Sam test, prapanavany navukoŭcami Harvardskaha ŭniviersiteta na resursie Project Implicit, pabudavany nie stolki na sacyjałohii, kolki na psichałohii: pry acency adnosin da pradstaŭnikoŭ roznych ras nie tolki zadajucca pytańni, ale i daśledujecca śviadomaść na ŭzroŭni asacyjacyj. Naprykład, karystalnikam prapanujuć vyznačycca, jakija pazityŭnyja i niehatyŭnyja paniaćci (uśmieška, empatyja, złość, bol, hnieŭ, siabroŭstva i h.d.) asacyjujucca ŭ ich ź ciemnaskurymi i śvietłaskurymi ludźmi. Na padstavie asacyjacyj karystalnikaŭ z peŭnych krain (ich vyznačajuć pa IP-adrasie) i vyličvajucca bały.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary