Ptuški vykarystoŭvajuć niedakurki dla chimičnaj baraćby z klaščami
Ci možna źviazać z cyharetami jakuju-niebudź karysnuju zvyčku? Heta składana ŭjavić siarod ludziej. Ale nie siarod ptušak, za jakimi była zaŭvažana praktyka vykarystańnia chimičnych rečyvaŭ, jakija ŭtrymlivajucca ŭ niedakurku, dla baraćby z hniezdavymi parazitami. Pra cikavaje daśledavańnie piša Nataša Chalik z vydańnia Newscientist.
Kanstancin Masias Harsija z Nacyjanalnaha aŭtanomnaha ŭniviersiteta Mieksiki razam z kalehami praviali niekalki hod, vyvučajučy cikavuju cyharetnuju zvyčku ŭ haradskich mieksikanskich amadzin (Carpodacus mexicanus).
Pieršapačatkovyja nazirańni dali zrazumieć, što nikacin i inšyja chimičnyja rečyvy ŭ niedakurkach mohuć dapamahčy ŭtrymać nasiakomych-škodnikaŭ ad pieramiaščeńnia ŭ hniazdo — nikacin sapraŭdy maje antyparazitarnyja ŭłaścivaści — ale heta nie było vyrašalnym vynikam daśledavańnia.
Kab udaskanalić zaklučeńnie, Masias Harsija i jaho kamanda ekśpierymientavali z 32 hniozdami hetych ptušak. Adnojčy, paśla taho, jak u adnym z hniozdaŭ vyłupilisia ptušaniaty, daśledčyki vydalili ź jaho padściłku i zamianili jaje štučnaj, zroblenaj ź lamcu, kab vydalić parazitaŭ, jakija mahli b zaleźci ŭ hniazdo ŭ pracesie nasiedžvańnia. Zatym jany dadali žyvych klaščoŭ da 10 hniozdaŭ, miortvych klaščoŭ u inšyja 10 i pakinuli 12 hniozdaŭ volnymi ad klaščoŭ.
Jany vyjavili, što darosłyja amadziny značna čaściej dadavali vałokny niedakurkaŭ u hniazdo, kali jano ŭtrymlivała klaščoŭ. Bolš za toje, vaha vałoknaŭ, dadavanych u hniozdy, jakija źmiaščajuć žyvych klaščoŭ, u siarednim na 40% bolš, čym vaha vałoknaŭ, što dadajucca ŭ hniozdy, jakija źmiaščajuć miortvych klaščoŭ.
«Atrymanyja vyniki śviedčać pra toje, što ptuški vykarystoŭvajuć niedakurki, kab «lačyć» svaje hniozdy ad klaščoŭ», kaža Masias Harsija.
«Ptuški vielmi pakutujuć ad parazitaŭ, jakija mohuć smaktać ich kroŭ i jeści pierje».
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam5
Kamientary