Ministr pryrodnych resursaŭ i achovy navakolnaha asiarodździa Andrej Kaŭchuta adchileny ad pracy, u dačynieńni da jaho pravodzicca pravierka. Pra heta TUT.BY raspaviali infarmavanyja krynicy.
Pa słovach surazmoŭcaŭ, na dniach ministr byŭ adchileny ad pasady. «U dačynieńni da jaho pravodziacca [śledčyja] mierapryjemstvy», — skazała infarmavanaja krynica. Surazmoŭcy nie viedajuć, ci zaviedzienaja ŭ dačynieńni da Kaŭchuty kryminalnaja sprava i jakaja miera strymańnia ŭžytaja.
U pres-słužbie Minpryrody dadzienuju infarmacyju nie paćvierdzili i nie abvierhli. «Ministerstva pracuje ŭ štatnym režymie», — skazali tam.
U pravaachoŭnych orhanach zajavili, što nie majuć namier kamientavać dadzienaje pytańnie ŭ bližejšyja dni.
U sakaviku KDB i Kamitet dziaržkantrolu vyjavili fakty niezakonnaha atrymańnia biudžetnych srodkaŭ dziaržaŭnym pradpryjemstvam «NPC pa hieałohii», dzie raniej pracavaŭ Kaŭchuta. Siłaviki padazravali čynoŭnikaŭ ź Minpryrody i navukova-vytvorčaha centra ŭ zryvie dziaržprahramy, jakaja pavinna była abaranić fłoru i faŭnu Biełarusi, znajści pakłady karysnych vykapniaŭ. Škoda aceńvałasia ŭ bolš čym miljon rubloŭ, byli raspačaty kryminalnyja spravy.
«Pa hetaj spravie ŭžo zatrymlivali vysokapastaŭlenych čynoŭnikaŭ Minpryrody. Ale im udałosia adbicca. Ciapier, miarkujučy pa ŭsim, čarha dajšła da ministra», — ličać surazmoŭcy.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary