Śledčy kamitet praciahvaje rasśledavańnie kryminalnaj spravy suprać troch žycharoŭ Połacka i Navapołacka. Miarkujecca, što jany vinavatyja ŭ ździajśnieńni zabojstva ŭ 2012 hodzie niepaŭnaletniaj dziaŭčyny, a taksama ŭ zhvałtavańniach i hvałtoŭnych dziejańniach seksualnaha charaktaru.
U chodzie rasśledavańnia ŭstanoŭlena, što abvinavačanyja znajomilisia z žančynami ŭ internecie, albo, kali zaŭvažali pjanuju žančynu, to padychodzili prosta na vulicy.
Mužčyny prapanoŭvali praciahnuć znosiny i častavali śpirtnymi napojami abo kavaj, u jakija zahadzia padmiašali rečyva sa snatvornym efiektam.
Paśla taho, jak achviary «vyklučalisia», mužčyny ździajśniali ź imi dziejańni seksualnaha charaktaru i rabavali ich.
U 2012 hodzie padobnaja historyja ŭvohule skončyłasia zabojstvam niepaŭnahadovaj.
Śledstva źviartajecca z prośbaj da hramadzian, jakim što-niebudź viadoma pra padobnyja złačynstvy, albo jakija stali achviarami supraćpraŭnych dziejańniaŭ pry nazvanych vyšej abstavinach u pieryjad času z 2007 pa 2017 hh. na terytoryi Viciebskaj vobłaści (u pryvatnaści ŭ Połacku i Navapołacku), paviedamić pra heta ŭ Śledčy kamitet Respubliki Biełaruś pa teł. 8 (017) 389-50-02, 8 (017) 389-52-95, 8 (029) 699-01-49, 8 (029) 711-35-82.
Fotazdymki padazravanych:
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary