Na vychodnych u kłubie ili adbyłasia piataja cyrymonija ŭručeńnia muzyčnych uznaharod Rock Profi pavodle hałasoŭ biełaruskich muzykaŭ. U čatyroch z šaści naminacyj — u tym liku «Artyst hoda» — pieramoh hurt «Pietla pristrastija».
Heta pieršy vypadak za piać hadoŭ isnavańnia premii, kali stolki ŭznaharod atrymaŭ adzin vykanaŭca. «Pietla pristrastija» taksama pieramahła ŭ naminacyjach «Najlepšy albom» ( «Moda i obłaka»), «Najlepšaja pieśnia» ( «Hruz») i «Najlepšy zapis» (hukarežysior Aleh Damančuk za albom «Moda i obłaka»). Pryzy hurtu ŭručali Leśli Najf (Gods Tower), hurt Re1ikt, Raman Žyharaŭ (Akute) i Valeryja Vaładźko (Harotnica).
U dźviuch astatnich naminacyjach pieramahli Nebulae Come Sweet («Debiut hoda», uručali arhanizatary) i Neuro Dubel («Za ŭniosak u biełaruskuju muzyku», uručaŭ Aleś-Francišak Myškievič). Biez uznaharod zastalisia astatnija favaryty premii: Lavon Volski (try naminacyi), Shuma i Mustelide (pa dźvie).
— My vielmi ŭdziačnyja za toje, što nam u hetym hodzie dastałasia takaja kolkaść uznaharod. Vialiki dziakuj tym, chto hałasavaŭ za nas, i tym, chto ŭručaŭ hetyja pryzy ad Rock Profi. Jak by my ni krucili nosam, nam heta sapraŭdy padabajecca, — kaža lidar hurta Illa Čarapko-Samachvałaŭ. — Kali vybirać samuju važnuju naminacyju, to, mabyć, dla nas heta «Najlepšy albom», bo heta sucelnaje pałatno, jakoje my rychtavali try hady.
Hetaj viasnoj albom «Moda i obłaka» taksama pieramoh u čatyroch naminacyjach (u tym liku «Albom hoda») na premii Experty.by pa hałasach biełaruskich i zamiežnych krytykaŭ. Najbližejšy kancert «Pietli pristrastija» adbudziecca 23 červienia ŭ kulturnym centry «Korpus».
U składzie žury Rock Profi — 2017 byli 51 hurt i vykanaŭca ŭ stylach rok, indzi, alternatyva, jakija vypuskali albomy ŭ 2014, 2015 i 2016 hadach. Było razhledžana 37 albomaŭ i 60 piesień, vypuščanych z 1 studzienia pa 31 śniežnia 2016 hoda.
Pieramožcy-2017:
«Debiut hoda» — Nebulae Come Sweet
«Najlepšy zapis» — Aleh Damančuk za albom «Pietli pristrastija» «Moda i obłaka»
«Najlepšaja pieśnia» — «Pietla pristrastija» «Hruz»
«Najlepšy albom» — «»Pietla pristrastija» «Moda i obłaka»
«Artyst hoda» — «Pietla pristrastija»
«Za ŭniosak u biełaruskuju muzyku» — Neuro Dubel
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary