Miedsiastra Hancavickaj centralnaj rajonnaj balnicy, pa vinie jakoj trochhadovaja dziaŭčynka trapiła ŭ reanimacyju, zvolnienaja z pracy za parušeńnie instrukcyi pa ŭviadzieńni lekavaha preparata, paviedamiŭ BIEŁTA načalnik upraŭleńnia achovy zdaroŭja Bresckaha abłvykankama Viktar Michałoŭski.
«Siońnia ŭ Hancavičach prachodziła pasiadžeńnie lačebna-kantrolnaj kamisii. Za parušeńnie instrukcyi pa ŭviadzieńni preparata miedsiastru zvolnili», — skazaŭ Viktar Michałoŭski. Jon udakładniŭ, što miedrabotnik była sa stažam. «Jana praktyčna adrazu zrazumieła, što ździejśniła pamyłku, tamu vialikaja častka srodku zastałasia ŭ katetary, — dadaŭ kiraŭnik abłzdara. — Nieardynarny vypadak. Na ščaście, usio skončyłasia dobra. Ciapier stan dziaŭčynki zdavalniajučy. Na dniach jaje pavinny vypisać z balnicy».
«Da nas pastupiła zajava ad baćki dziciaci, u jakim jon skardzicca na nienaležnaje vykanańnie słužbovych abaviazkaŭ miedycynskimi rabotnikami CRB. Supracoŭnikami milicyi apytanyja vidavočcy i śviedki incydentu ŭ balnicy, pryznačanaja sudmiedekśpiertyza», — skazaŭ Siarhiej Dučenka.
Jak paviedamlałasia, małaletniaja žycharka Hancavič 2013 hoda naradžeńnia pastupiła ŭ balnicu ŭ noč na 10 maja. Z dyjahnazam «vostraja reśpiratornaja virusnaja infiekcyja z kišečnym sindromam» dzicia špitalizavali ŭ terapieŭtyčnaje adździaleńnie. Ranicaj nastupnaha dnia miedsiastra adździaleńnia pamyłkova ŭviała dziaŭčyncy ŭnutryvienna 1 mł pryznačany dla lačeńnia preparat «Bijafłor». U małoj rezka pahoršyłasia samaadčuvańnie: stali sinieć ruki, jana paskardziłasia na choład. Miedrabotnik tut ža zrazumieła, što dapuściła pamyłku, i vyniała ź vieny katetar, u jakim znachodziłasia asnoŭnaja častka preparata.
Dziaŭčynku ŭdałosia vyratavać dziakujučy nieadkładnym reanimacyjnym mierapryjemstvam. Ciapier jana razam z maci znachodzicca ŭ Minskaj dziciačaj infiekcyjnaj kliničnaj balnicy.
Pa hetym incydencie Śledčy kamitet pravodzić pravierku.
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca4
Kamientary