Dzień Pieramohi ŭ Mahilovie: trykałory, hieorhijeŭskija stužki, partrety Stalina FOTA
Milicejski BTR, veterany na UAZach, partrety Stalina, voiny-aŭhancy z hieorhijeŭskimi stužkami, vializny ściah Savieckaha Sajuzu — z takim anturažam u Mahilovie adbyłosia śviatočnaje šeście «Vialikaja pieramoha ščaślivaha maja».
Šeście mała čym adroźnivałasia ad paradaŭ minułych hadoŭ. Ad płoščy Lenina, na jakoj maršam prajšli voinskija čaści mahiloŭskaha harnizonu da płoščy Słavy, kalonu z veteranaŭ, čynoŭnikaŭ, pradstaŭnikoŭ pracoŭnych kalektyvaŭ vitali školniki, jakich vyšychtavali ŭzdoŭž Pieršamajskaj vulicy. Hukavoje supravadžeńnie było spres rasiejskamoŭnym.
U paraŭnańni ź letašnim Dniom pieramohi paboleła hieorhijeŭskich stužak. Niezadoŭha da farmavańnia kalony hetuju atrybutyku arhanizavana razdavali voinam-aŭhancam.
Stužki im prynieśli ŭ celafanavym pakiecie. Čynoŭniki ŭ kalonie na łackany pačapili čyrvona-zialonyja stužki ź jabłynievym ćvietam. Niekatoryja haradžanie pryjšli ź vialikimi ściahami Savieckaha Sajuzu i rasiejskimi trykalorami.
«Vysiłkami Rasiei była dasiahnutaja pieramoha nad fašyzmam», — patłumačyŭ małady čałaviek, čamu jon pryjšoŭ na parad ź ściaham susiedniaj krainy. Pytańnia pra ŭłasaŭcaŭ i ichny ŭdzieł u Druhoj usiaśvietnaj vajnie małady čałaviek nie zrazumieŭ.
Šeście skončyłasia na placy pierad haradzkoj ratušaj. Tut sabrałasia bahata narodu. Školniki, jakija vitali šeście ŭzdoŭž Pieršamajskaj, raźbiehlisia, jak tolki atrymali na toje dazvoł.
Nieŭzabavie za śviatočnym šeściem prajšła kalona śmieciaroŭ. Kamunalniki prybirali prajeznuju častku Pieršamajskaj ad ašmoćcia pavietranych balonikaŭ dy inšaj atrybutyki.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary