Novaja damba na Paŭnočna-Krymskim kanale pierakryła vadu ŭ akupavany Krym. Stacyjanarnuju bietonnuju płacinu pabudavali na miažy macierykovaj Ukrainy z akupavanym paŭvostravam, havorycca ŭ siužecie TSN. Zekanomlenaja vada z Kachoŭskaha vadaschovišča pavinna abrašać ziemli poŭdnia Chiersonskaj vobłaści.
Dambu ŭźviali za hod i patracili na jaje 35 miljonaŭ hryŭniaŭ (1,3 młn dalaraŭ). Zbudavańnie nadziejna pierakryvaje płyń kanała, nie puskajučy vadu na akupavanuju terytoryju. Śpiecyjalisty kažuć, što pracy pa ŭładkavańni novaj damby buduć praciahvacca.
Novaja damba maje zasłanku, jakuju ŭ luby momant možna adkryć.
Krymskija čynoŭniki zajavili, što ŭźviadzieńnie damby nijak nie paŭpłyvaje na vodazabieśpiačeńnie anieksavanaha paŭvostrava.
«Nam, krymčanam, ad hetaha ni choładna, ni horača, chaj sabie tam radujucca, a vadu my nie atrymlivajem z Ukrainy ŭžo try hady, i ŭsio cicha i spakojna. Vady nam svajoj chapaje», — prakamientavaŭ situacyju staršynia kamiteta pa dziaržaŭnym budaŭnictvie Dziaržsavieta respubliki Jafim Fiks.
Kamientary