Minsk - Budsłaŭ — Kryvičy — Daŭhinava — Kamiena — Alkovičy — Kaścianievičy — Vilejka - Minsk
U niadzielu, 30 krasavika, jość šaniec patrapić na cudoŭnuju vandroŭku pa cikavych miescach rodnaj Biełarusi. Heta blizkaja da Minska i vielmi nasyčanaja najcikaviejšymi abjektami ekskursija pa Miadzielskim i Vilejskim rajonach Minskaj vobłaści.
Ekskursiju pravodzić znakamity biełaruski historyk-tapanimist Ivan Sacukievič.
Kaścioł Panny Maryi ŭ Budsłavie
Adna z kropak vandroŭki — znakamitaja biełaruskaja śviatynia, adna z troch bazylik małych u Biełarusi - Budsłaŭski kaścioł Panny Maryi. Abaviazkova varta zajści ŭ ałtar chrama, kab bližej razhledzieć cudadziejnuju ikonu Maci Božaj Budsłaŭskaj, šanavanaj katalikami pa ŭsioj Biełarusi, da jakoj u pačatku lipienia prychodziać dziasiatki tysiač ludziej - pilihrymaŭ i pałomnikaŭ.
U Kryvičach znachodzicca były klaštar trynitaryjaŭ i pravasłaŭnaja Trajeckaja carkva.
Budzie šaniec pabyvać u byłym miastečku Daŭhinaŭ, jakoje ŭ 19 stahodździ słaviłasia svaimi kirmašami nastolki, što ź Minska ŭ Daŭhinaŭ byŭ prakładzieny asobny handlovy Daŭhinaŭski trakt.
Kala Daŭhinava ŭ vioscy Kamiena na bierazie Vialli znachodzicca, jak i vynikaje z nazvy, ažno niekalki staražytnych vałunoŭ, samy znakamity ź ich — tak zvany «Vieracišyn Chrest», adzin ź viadomych Barysavych kamianioŭ. Mienavita z hetaha miesca 160 hod tamu raspačałasia znakamitaja ekśpiedycyja bratoŭ Tyškievičaŭ pa Vialli. Z hetaj nahody 10 hod tamu tut ustalavali pamiatny znak.
Zatym vandroŭnikaŭ čakaje vioska Alkovičy i sustreča ź vielizarnym nieahatyčnym chramam ź niezvyčajnaj viežaj i vysokim špilem.
A vioska Kaścianievičy ździvić vytančanym baročnym kaściołam Biezzahannaha Začaćcia Panny Maryi.
U samoj Vilejcy čakaje sustreča ź niezvyčajnym miemaryjałam u pamiać ab zahinułych vioskach, a taksama najcikaviejšy vilejski krajaznaŭčy muziej. A na hałoŭnaj płoščy horada znachodziacca 2 vilejskimia chramy, cikavyja pomniki architektury - pravasłaŭnaja carkva Śviatoj Maryi Jehipieckaj z hadzińnikam na zvanicy i najcikaviejšy Błahavieščanski kaścioł, što niasie ŭ sabie rysy niearamanskaha stylu i nieahotyki.
Usia dadatkovaja infarmacyja — u supołcy ŭ fejsbuku.
Zapis na vandroŭku pa teł. +375291342804, +375255458430 (Valeryja, 24-25.04 sms).
Pryvatnaja kulturna-aśvietnickaja ŭstanova «Kultura rodnaha kraju» UNP 192664818
Ciapier čytajuć
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?6
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8484
Kamientary