Navukoŭcy univiersiteta Džordžyi (ZŠA) prapanavali zamianić kubak kavy ranicaj 10-chvilinnaj chadźboj pa leśvicy ŭvierch-uniz, adznačyŭšy što takoje praktykavańnie našmat efiektyŭniejšaje za kafiein. Akramia hetaha, taki sposab abydziecca tańniej, paviedamiła Daily Mail.
Dyjetołahi padkreślili, što ŭ chodzie ekśpierymientu z dobraachvotnikami kafiein nie vyklikaŭ nijakich źmienaŭ u samaadčuvańni udzielnikaŭ, a prabiežka sapraŭdy dadała im enierhičnaści i badzioraści. Prabiežka padrychtoŭvaje arhanizm da pracoŭnaha dnia, viartajučy jaho ŭ tonus paśla snu.
U daśledavańni ŭdzielničali studenty ŭ pieryjad pikavaj nahruzki, kali jany spali nie bolš za 6 hadzin za sutki. Jany pahadzilisia: prylivu sił, padobnaha tamu, jaki jany adčuli paśla prabiežki pa leśvicy, zvykłyja 50 hramaŭ mocnaha espresa nie dajuć.
Toje ž tyčycca pierapynkaŭ u pracy.
«Ofisnyja rabotniki, viadoma mohuć u pierapynkach vychodzić na vulicu i hulać, ale časta nadvorje byvaje nieprydatnym, — kažuć daśledčyki. — Adnak nikoli jašče doždž na pieraškadžaŭ chadźbie pa leśvicy ŭnutry ofisnaha budynka».
U cełym, testy pakazali, što ni fizičnaja aktyŭnaść, ni kava nie pavyšajuć ŭvahu i nie palapšajuć pamiać. Zatoje chadźba pa leśvicy adčuvalna dadała matyvacyi da pracy.
Ciapier čytajuć
«Razahnać darmajedaŭ! Addać ludziam ziamlu!» Traktaryst z Chojnikaŭ, jaki ciapier žyvie ŭ Łatvii, paraŭnaŭ sielskuju haspadarku tam i ŭ nas16
Kamientary