Paśla hadavoha pierapynku haradzienski hurt DZIECIUKI vystupić u Viciebsku. Novaja prahrama, składzienaja z 2-ch albomaŭ i novych piesień, budzie prezientavanaja 1 krasavika na placoŭcy art-paba «Torvald».
«Hety kancert dla nas u niečym znakavy i pierałomny, bo amal hod u nas nie adbyvałasia ŭ Biełarusi aficyjnych vystupaŭ, — raspaviadaje lidar hurtu Aleś Dzianisaŭ. — Viciebsk — adzin z našych ščaślivych i lubimych haradoŭ, u jaki my pryjazdžali jašče ŭ składzie hurtu «Ludzi na bałocie» i majem vielmi šmat dobrych siabroŭ u hetym horadzie. U nas była dumka pryvieźci absalutna novuju prahramu, ale vyrašyli, što buduć prezientavanyja tolki niekalki novych piesień z budučaha alboma, praca nad jakim viadziecca ciapier. Uvohule, u Viciebsku prahučać amal usie pieśni hurtu, i my spadziajomsia, što niezadavolenych nie zastaniecca!»
DZIECIUKI — folk-pank hurt, zasnavany ŭ 2012 ŭ Horadni. Śpiavajuć aŭtarskija teksty na histaryčnuju tematyku aŭtarstva Dzianisa Žyhaŭca. Majuć EP, na pačatku 2014 vydali debiutny albom «Haradzienski harmidar». Pryznanyja «Hurtom hoda» na premii «Hieroi hoda—2014».
Solny kancert hurta «DZIECIUKI» adbudziecca ŭ art-pabie «Torvald», vuł. Tałstoha, 1, pačatak 19:00. Infalinija +37525 913 38 76
Cana kvitka: 20 rubloŭ. Kvitki možna nabyć u art-pabie «Torvald», vuł. Tałstoha,1 i na sajcie bezkassira.by Uvaha! U prodažy zastajecca ŭsiaho 40 kvitkoŭ!
Kamientary