Deputat Dziarždumy ad frakcyi «Adzinaja Rasija» Vitalij Miłonaŭ paprasiŭ rasijskaha ministra kultury Uładzimira Miadzinskaha pravieści dapreḿjernuju pravierku filma «Pryhažunia i pačvara» na pradmiet prapahandy adnapołych adnosinaŭ. Pra heta paviedamlaje «RIA Novosti» sa spasyłkaj na list parłamientaryja.
Adnoj ź siužetnych linij u filmie buduć homaseksualnyja adnosiny pamiž hałoŭnymi hierojami. Jon padkreśliŭ, što ŭ Rasii rašeńnie ab vypusku karciny ŭ prakat prymajecca tolki ź mierkavańniaŭ ekanamičnaj vyhady.
«Ale ŭ dadzienym vypadku hramadskaść nie moža hladzieć moŭčki na toje, što prapanujuć kinaprakatčyki pad vyhladam dziciačaj kazki — vidavočnaja, nieprychavanaja, biessaromnaja prapahanda hrachu, pierakručanych seksualnych adnosinaŭ», — padkreśliŭ parłamientaryj.
Miłonaŭ nahadaŭ, što vychad filma pryznačany na pačatak viasnovych školnych kanikuł i jon atrymaŭ mnostva paviedamleńniaŭ i listoŭ ad zaniepakojenych baćkoŭ.
«Naša ahulnaja zadača — nie dapuścić vychadu hetaha miuzikła na ekrany ni pad jakim vyhladam», — ličyć Miłonaŭ.
Jon paprasiŭ Miadzinskaha ŭ vypadku paćviardžeńnia najaŭnaści elemientaŭ prapahandy homaseksualizmu i piedafilii pryniać miery pa tatalnaj zabaronie demanstracyi stužki va ŭsich biez vyklučeńnia kinateatrach.
Raniej paviedamlałasia, što ŭ miuzikle «Pryhažunia i pačvara» režysiora Biła Kondana źjavicca piersanaž-hiej. Heta budzie pieršy film kinastudyi Disney, u jakim pakažuć homaseksualnyja adnosiny. Film vyjdzie na ekrany 17 sakavika.
Jak raspavioŭ Kondan, piersanažam-hiejem stanie LeFu (Džoš Hed), pamočnik hałoŭnaha antahanista filma — Hastona (Luk Evans). «LeFu — heta toj, chto spačatku choča stać Hastonam, a paśla — pacałavać Hastona», — rastłumačyŭ režysior.
Disney: U novym filmie «Pryhažunia i pačvara» budzie hiej-scena
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary