Pres-kanfierencyja była nadzvyčaj zaciahnutaj — byŭ pastaŭleny rekord praciahłaści, 7 hadzin i 20 chvilin. Jana taksama była całkam zrežysiravanaj hetym razam: słova davali ŭ stroha vyznačanym paradku, niezaležnym ŚMI słova nie davali,
za vyklučeńniem Siaredziča, pry hetym dziaržaŭnym ŚMI dali ahučyć tradycyjnyja pytańni niezaležnych. I zaciahnutaść, i zrežysiravanaść, i navat pytańnie pra źnikłych z vusnaŭ Hihina, zdajecca, mieli svaju metu: kab masavy biełaruski słuchač nie adčuŭ nijakich vialikich pieramien. Niama ekstraardynarnaha kanfliktu z Rasijaj (choć «vy ž bačycie, što ŭ nas z Rasijaj», ale «heta ŭžo nie pieršy raz»), niama novych pahroz u hetym płanie, raz Łukašenka havoryć, jak havaryŭ.
Hałoŭnaje pasłańnie prahučała tolki na treciaj hadzinie, ale ad hetaha nie mienš jasna: svaboda i niezaležnaść daražejšyja za naftu.
U toj ža čas harantyi-minimum: «My nie Ukraina, my nie antyrasijskija, my ŭ NATA nie imkniomsia».
Na vośmaj hadzinie ŭ adkaz na pytańni karespandenta TASS byŭ ahučany inšy pryncypovy momant:
pa-biełaruska-rasijskaj miažy Biełaruś prymie adekvatnyja miery, ale ni ŭ jakim razie nie budzie abmiažoŭvać svabodu ŭjezdu hramadzian Rasii.
Mytny kodeks Jeŭrazijskaha ekanamičnaha sajuza Biełaruś nie padpiša, pakul nie buduć vyrašanyja prablemy z pastaŭkami nafty i canoj na haz.
Jak častka žorstkaj pazicyi, Alaksandr Łukašenka zahadaŭ zavieści kryminalnuju spravu suprać kiraŭnika Raśsielhasnahladu Siarhieja Dankvierta.
I navat u moŭna-kulturnym pytańni namiecilisia nievialikija źmieny:
na tradycyjnaje pytańnie pra Nacyjanalny ŭniviersitet upieršyniu prahučaŭ nie adkaz «nie», a «ni tak, ni nie». Pry hetym tut ža padzialili pasady: Marzaluka — rektaram, a Anisim — prarektarkaj. Marzaluk tut ža na radaściach daklaravaŭ «Biełaruś ad Bałtyki da Cichaha akijana!»
Apazicyju pa-raniejšamu vystaŭlajuć apieretačnaj, u vyhladzie kłoŭna Jarasłava.
Nijakaj nastalhii pa SSSR nie hučała, kurs — my budujem nievialikuju, ale kamfortnuju krainu. Nam treba nie vielič, a zamožnaść, kab u kožnaha była kapiejka ŭ kišeni.
Rynkavyja reformy praciahnucca, źmieny buduć pa-raniejšamu pastupovyja. Biełaruś prymie ŭmovy MVF dla atrymańnia novaha kredytu ad Fondu.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć44
Kamientary