Kultura88

«Padarožža dyletanta» budzie ciapier vychodzić na Tut.by VIDEA

Viadomy biełaruski prajekt pra padarožžy — «Padarožža dyletanta» — razam ź niaźmiennym aŭtaram i viadoŭcam Juryjem Žyhamontam viartajecca ŭ efir. Hetym razam prajekt budzie vychodzić na partale TUT.BY. Viartańnie ŭ efir adbyłosia praz zamiežža: upieršyniu za historyju prajekta pan viadoŭca vyjechaŭ ź Biełarusi, kab z nahody 500-hodździa pieršaj biełaruskaj drukavanaj Biblii raspavieści pra Prahu Francyska Skaryny.

Juryj Žyhamont, fota Mikity Niedavierkava

Pražskaja sieryja składajecca z dvuch vypuskaŭ, pieršy vy bačycie siońnia, a druhi vyjdzie praz tydzień — 7 lutaha. Paśla pajezdki ŭ Čechiju samy znakamity dyletant vierniecca da padarožžaŭ pa Biełarusi z novymi nakirunkami i cikavymi faktami. Ciapier «Padarožža dyletanta» stvarajecca pry padtrymcy velcom i budzie vychodzić na partale TUT.BY dva razy na miesiac.

Źleva naprava: Andruś Takindanh (viadučy mierapryjemstva), Viačasłaŭ Śmirnoŭ (kiraŭnik adździeła karparatyŭnych kamunikacyj kampanii Velcom), Juryj Žyhamont, Maryna Zołatava (hałoŭny redaktar TUT.BY).

«Padarožža dyletanta» ŭpieršyniu nakiravałasia za miežy Biełarusi, kab raspavieści pra tyja miaściny, dzie kaliści žyŭ i pracavaŭ biełaruski pieršadrukar Francysk Skaryna. U prahramie pakazany toj samy budynak, dzie, pa mierkavańniach navukoŭcaŭ, vyjšła u śviet pieršaja drukavanaja kniha na biełaruskaj movie, a taksama šmat inšych miescaŭ, źviazanych ź viadomym aśvietnikam i humanistam.

— Prahrama isnuje ŭžo bolš za 15 hod. Za hety čas, kaniešnie, adbyłosia imklivaje raźvićcio novych technałohij. I mnie razam z majej kamandaj chaciełasia, kab jak maha bolš biełarusaŭ praciahvali hladzieć pieradaču i adkryvali jaje dla siabie, — adznačyŭ Juryj Žyhamont. — Novy farmat i resurs, na jakim budzie vychodzić prahrama, adkryvaje pierad joj novyja vialikija mahčymaści. Tamu ja vielmi ŭdziačny partnioram — kampanii velcom i partału TUT.BY — za toje, što my zmahli źbierahčy samabytnaść «Padarožžaŭ dyletanta», ale i razam z hetym dać novaje žyćcie prahramie».

Hałoŭny redaktar TUT.BY Maryna Zołatava sama źjaŭlajecca stałaj hladačkaj prahramy i nadaje joj zasłužany status biełaruskaha brenda. «My vielmi radyja, što ciapier zmožam raźvivać prajekt razam», — adznačyła redaktar.

«500-hodździe pieršaj biełaruskaj drukavanaj knihi Francyska Skaryny — heta značnaja data, jakaja zasłuhoŭvaje vialikaj uvahi. — adznačyŭ kiraŭnik adździeła karparatyŭnych kamunikacyj velcom Viačasłaŭ Śmirnoŭ. — Nacyjanalnaja historyja i kultura — vielmi važnyja kaštoŭnaści dla našaj kampanii. Prahrama «Padarožža dyletanta» asabista dla mianie źjaŭlajecca takim skarbam, jaki dla mnohich biełarusaŭ znajomy ź dziacinstva. Jaje adnaŭleńnie ŭ sučasnym ličbavym farmacie dazvolić jašče bolš pašyryć koła jaje hledačoŭ i prychilnikaŭ».

U 2014 h. kampanija velcom zaćvierdziła napramki karparatyŭna-sacyjalnaj adkaznaści, adnoj ź jakoj źjaŭlajecca padtrymka nacyjanalnaj samaidentyfikacyi. Kampanija velcom ličyć pieradačy «Padarožžy dyletanta» sučasnaj kulturnaj spadčynaj, tamu aktyŭna budzie padtrymlivać raźvićcio i dziejnaść paznavalnaj pieradačy.

Pieradača budzie vychodzić 2 razy na miesiac.

Kamientary8

Ciapier čytajuć

Tramp nieanansavana pierahavaryŭ z Pucinym: Pucin skazaŭ, i vielmi rašuča, što jamu daviadziecca adkazać na ataku pa aeradromach13

ŚvietAbnoŭlena13

Tramp nieanansavana pierahavaryŭ z Pucinym: Pucin skazaŭ, i vielmi rašuča, što jamu daviadziecca adkazać na ataku pa aeradromach

Usie naviny →
Usie naviny

20-hadovaja biełaruska pradała svajo niemaŭla ŭ Maskvie2

«Dadajem słabicielnaje ŭ ałkahol rasijskim sałdatam». Jak ukrainskija žančyny zmahajucca z akupantami2

Maładaja ŭkrainskaja akrabatka trahična zahinuła ŭ Tajłandzie, sarvaŭšysia z 15-mietrovaj vyšyni

Muzyčny teatr u Minsku źbirajucca zakryć na rekanstrukcyju ŭ 2026 hodzie

Spalnyja miescy ŭ «Minsk-Śviecie» mohuć vyklikać kłaŭstrafobiju. Jak ekanomiać prastoru ŭ sučasnych kvaterach-studyjach22

Iłan Mask nazvaŭ hałoŭny zakonaprajekt Trampa «ahidnaj hniusnaściu»3

Kamandujučym Siłami bieśpiłotnych sistem Ukrainy pryznačany «Madziar» — kultavy dobraachvotnik, jaki pryjšoŭ u armiju ŭ 2022-m6

Ci sapraŭdy raślinnyja alei škodnyja i jaki abrać?8

«U ludziej šok ad danataŭ na vajnu». Supracoŭnik biełaruskaj jurasoby «Lesta» raskazaŭ pra nastroi ŭ kalektyvie12

bolš čytanych navin
bolš łajkanych navin

Tramp nieanansavana pierahavaryŭ z Pucinym: Pucin skazaŭ, i vielmi rašuča, što jamu daviadziecca adkazać na ataku pa aeradromach13

ŚvietAbnoŭlena13

Tramp nieanansavana pierahavaryŭ z Pucinym: Pucin skazaŭ, i vielmi rašuča, što jamu daviadziecca adkazać na ataku pa aeradromach

Hałoŭnaje
Usie naviny →

Zaŭvaha:

 

 

 

 

Zakryć Paviedamić