Infarmatar WADA Ryhor Rodčankaŭ pieratvaryŭ užyvańnie dopinhu ŭ asabisty biznes, zajaviŭ prezident Rasii Uładzimir Pucin na štohadovaj pres-kanfierencyi.
Uładzimir Pucin. Fota kremlin.ru
«Kali kazać pra tych hetak zvanych infarmataraŭ, jakija ŭciakli za miažu i zdajuć tam usio zapar albo prydumlajuć užo, chacieŭ by voś što skazać: ja ŭžo nie pamiataju proźvišča hetaha hramadzianina, jaki ŭciok i jaki ŭznačalvaŭ u nas Rasijskaje antydopinhavaje ahienctva, jon ža da hetaha dzie pracavaŭ — u Kanadzie, a potym što jon rabiŭ — pryjazdžaŭ u Rasiju, i, pakolki jon byŭ pryznačany na vysokuju pasadu, ciahaŭ siudy ŭsialakuju hadaść», — cytuje Pucina «Rasija Siońnia».
Prezident Rasii skazaŭ, što nie moža ŭjavić, što toj, chto pieramiaščaje praź dziaržaŭnuju miažu Kanady ci ZŠA hetyja zabaronienyja preparaty, nikoli i nikim nie byŭ zaŭvažany.
«Mnohija z vas pierasiakajuć miažu ZŠA i Kanady, vielmi strohi kantrol. Jon pastajanna siudy hetuju dreń ciahaŭ, pieratvaryŭ heta ŭ svoj asabisty biznes, prymušaŭ ludziej brać i ŭžyvać. A tych, chto admaŭlaŭsia, skažam, jak płyŭcy, jon jašče suprać ich prydumlaŭ niejkija sankcyi», — skazaŭ Pucin.
Prezident dadaŭ, što «kali jamu chvost prycisnuli, nie zmahli jaho pasadzić prosta, jon uciok i, abaraniajučy siabie i harantujučy sabie miesca pad soncam, pačaŭ tam usio źlivać, majučy na ŭvazie, što jamu tam stvorać umovy dla narmalnaha žyćcia».
«Na niejkim etapie stvorać, a potym, jak luboha niahodnika, kinuć prosta, i ŭsio. Nikomu takija nie patrebnyja. Što ž jon tut nie zmahaŭsia? Mianie heta navodzić na peŭnyja dumki, što jaho tam chtości i vioŭ, dačakalisia peŭnaha momantu i zrabili ŭkid hety», — skazaŭ Pucin.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary