Hienasambleja AAN pieravažnaj bolšaściu hałasoŭ pryniała rezalucyju, jakaja patrabuje nieadkładnaha spynieńnia ahniu ŭ Siryi i nieadkładnaj dastaŭki humanitarnaj dapamohi ŭ najbolš paciarpiełyja rajony. Biełaruś prahałasavała suprać.
Jak paviedamlaje ruskaja słužba VVS, rezalucyju, prajekt jakoj 9 śniežnia byŭ pradstaŭleny Kanadaj, padtrymali 122 krainy. Suprać prahałasavali 13 dziaržaŭ, u tym liku Rasija, Biełaruś, Iran i Siryja. Jašče 36 dziaržaŭ ustrymalisia.
U dakumiencie havorycca ab nieabchodnaści poŭnaha spynieńnia ŭsich napadaŭ na hramadzianskich asob i hramadzianskija abjekty. Taksama rezalucyja patrabuje spynieńnia abłohi haradoŭ i nasielenych punktaŭ, u tym liku i abłohi rajonaŭ Alepa.
Pastajanny pradstaŭnik Rasiei pry AAN Vital Čurkin jašče pierad hałasavańniem ŭ Hienasamblei AAN zajaviŭ, što prajekt rezalucyi źmiaščaje surjoznyja niedachopy, i tamu Rasieja jaho nie padtrymaje.
Pa słovach Čurkina, u prajekcie rezalucyi «niapravilna vyznačany pryčyny zaradžeńnia i raźvićcia kanfliktu ŭ Siryi», a taksama «zaškalvaje abvinavaŭčy akcent na adras uładaŭ krainy».
Akramia taho, Rasieju nie zadavoliła adsutnaść u tekście dakumienta vyraznaha ŭkazańnia na toje, što «režym spynieńnia bajavych dziejańniaŭ nie moža raspaŭsiudžvacca na terarystaŭ», a taksama nie zhadvajecca klučavaja prablema admiežavańnia ad terarystaŭ umieranaj uzbrojenaj apazicyi.
Pastajanny pradstaŭnik ZŠA pry AAN Samanta Paŭer zajaviła, što hałasavańnie ŭ Hienasamblei AAN dazvolić zapatrabavać ad Rasiei i Bašara Asada spynić krovapralićcie ŭ krainie. Pauer ličyć, što rezalucyja taksama daść mahčymaść «abaranić asnoŭnyja pryncypy taho, jak dziaržavy pavinny dziejničać navat va ŭmovach vajny».
Samanta Paŭer zaklikała ŭłady Siryi i prychilnikaŭ prezidenta dazvolić mirnym žycharam pakinuć ŭschodnija rajony Alepa, za kantrol nad jakimi žorstkija baraćbu viali armija Siryi i praciŭniki Bašara Asada.
Na hetym tydni ZŠA, Brytanija, Hiermanija, Italija, Francyja i Kanada zaklikali baki kanfliktu da nieadkładnaha spynieńnia ahniu, kab dać mahčymaść supracoŭnikam AAN dastavić humanitarnuju dapamohu.
Lidary šaści krain zaklikali Rasiju paŭpłyvać na prezidenta Siryi Bašara Asada i pierakanać jaho ŭ nieabchodnaści spynieńnia vajennych dziejańniaŭ u Alepa.
Siryjskija ŭłady vyklučyli mahčymaść jakoha-niebudź pieramirja ŭ Alepa. 5 śniežnia Rasija i Kitaj nakłali vieta na rezalucyju Savieta biaśpieki AAN ab tydniovym spynieńni ahniu ŭ hetym horadzie.
Adnak viečaram 8 śniežnia ministr zamiežnych spraŭ Rasii Siarhiej Łaŭroŭ paviedamiŭ, što aktyŭnyja bajavyja dziejańni siryjskaj armii va ŭschodnim Alepa prypynienyja, kab mirnyja žychary mahli pakinuć horad.
Na hetym tydni siryjskim uradavym vojskam udałosia ŭziać pad kantrol usie rajony ŭ histaryčnym centry Alepa - Starym horadzie.
Ciapier vojski Bašara Asada kantralujuć bolš za dźvie traciny ŭschodniaha Alepa i praciahvajuć nastup. Jak śćviardžajuć rasijskija vajskoŭcy, pad kantrolem siryjskaj armii znachodzicca ŭžo 93% terytoryi horada.
Pavodle infarmacyi pravaabaroncaŭ, u Alepa, na padkantrolnaj paŭstancam terytoryi, zastajucca dziasiatki tysiač mirnych žycharoŭ. Zapasy charčavańnia na zychodzie, haradskija balnicy va ŭschodnim Alepa nie pracujuć.
Pa słovach kiraŭnika haradskoha savieta Alepa, za apošnija 26 dzion bolš za 800 čałaviek zahinuła i jašče kala 3—3,5 tysiač atrymali ranieńni ŭ abłožanych ŭschodnich rajonach horada. Poŭny kantrol nad Alepa, druhim pa pamierach siryjskim horadam, na dadzieny momant - klučavaja meta sił prezidenta Bašara Asada ŭ baraćbie suprać siryjskaj apazicyi.
Ciapier čytajuć
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8282
Kamientary