Dźvie bujnyja kitajskija kampanii realizujuć u Biełarusi inviestprajekt u śfiery raźvićcia čyhunačnaj techniki

Doŭhaterminovy inviestycyjny prajekt u śfiery raźvićcia čyhunačnaj techniki ŭ Biełarusi buduć razam raźvivać TAA «Kitajskaja kampanija pa ekspartu i impartu elektraabstalavańnia» (CUEC) i TAA «CRRC Datunskaja elektravozabudaŭničaja kampanija».

9 śniežnia ŭ Minsku było padpisana pahadnieńnie ab supracoŭnictvie pamiž Biełaruskaj čyhunkaj, CRRC Datunskaja elektravozabudaŭničy kampanijaj i Kitajskaj kampanijaj pa ekspartu i impartu elektraabstalavańnia. Było abvieščana ab stvareńni sumiesnaj kampanii TAA «CRRC-KUEK ŽiełDorTiechnika».

Jak paviedamili BiełaPAN zasnavalniki, klučavymi vidami dziejnaści stvoranaj kampanii źjaŭlajecca pastaŭka, ramont i techničnaje absłuhoŭvańnie čyhunačnaj techniki.

Maštabnyja prajekty ŭ Biełarusi ŭ śfiery čyhunačnaha transpartu kampanija CUEC paśpiachova realizuje ŭžo bolš za siem hadoŭ. U pryvatnaści, u 2010 hodzie kampanija CUEC i Datunskaja elektravozabudaŭničy kampanija padpisali kantrakt ź Biełaruskaj čyhunkaj na pastaŭku 12 elektravozaŭ sieryi BKH-1. U 2013 hodzie byŭ składzieny jašče adzin kantrakt na pastaŭku 18 adzinak ruchomaha składu sieryi BKH-2. Harantyjnaje i servisnaje absłuhoŭvańnie pastaŭlenych elektravozaŭ zabiaśpiečvajecca kitajskimi śpiecyjalistami na bazie łakamatyŭnaha depo «Baranavičy».

Z 2010 hoda pa 2015-y Kitajskaj kampanijaj pa ekspartu i impartu elektraabstalavańnia realizavany ŭ Biełarusi prajekt pa elektryfikacyi čyhunačnaha ŭčastka Asipovičy - Homiel, jaki staŭ pieršym prajektam budaŭničaha padradu kitajskich pradpryjemstvaŭ pa elektryfikacyi čyhunki ŭ Jeŭropie.

9 śniežnia było taksama padpisana pahadnieńnie ab supracoŭnictvie pamiž Bresckim abłasnym vykanaŭčym kamitetam i zasnavanaj kampanijaj TAA «CRRC KUEK ŽiełDorTiechnika». Adznačajecca, što novaje pradpryjemstva stanie płatformaj dla dalejšaha pašyreńnia ŭzajemadziejańnia ŭ śfiery raźvićcia čyhunačnaj techniki.

«My spadziajemsia, što stvareńnie novaj kampanii budzie spryjać uzmacnieńniu kaapieracyi pamiž biełaruskimi i kitajskimi čyhunačnymi pradpryjemstvami», - adznačyŭ hienieralny dyrektar CRRC Ho Šienčin.

U svaju čarhu, hienieralny dyrektar TAA «Kitajskaja kampanija pa ekspartu i impartu elektraabstalavańnia» (CUEC) Van Czińsun padkreśliŭ, što stvareńnie takoj kampanii adkazvaje duchu času i prapanuje kankretnyja pierśpiektyvy supracoŭnictva pradpryjemstvaŭ Kitaja i Biełarusi ŭ ramkach kancepcyi «Adzin pojas i adzin šlach». «My raźličvajem u pierśpiektyvie na pavieličeńnie kolkaści sumiesnych prajektaŭ na terytoryi Biełarusi», - adznačyŭ kiraŭnik kitajskaj kampanii.

TAA «CRRC Datunskaja elektravozabudaŭničy kampanija» - adzin z najbujniejšych suśvietnych vytvorcaŭ čyhunačnaj techniki. Pradpryjemstva było stvorana ŭ 1954 hodzie, pastajanna pašyrałasia i madernizavałasia, u ciapierašni čas raźmiaščaje dvuma techničnymi centrami ŭ Šańsi i Piekinie, u navukova-techničnaj śfiery ciesna supracoŭničaje ź viadučymi łabaratoryjami Hiermanii i Šviejcaryi, ukaraniajučy ŭ vytvorčaści ich viadučyja raspracoŭki. Elektravozy i inšaje abstalavańnie dla čyhunki pastaŭlajucca na ekspart u krainy Azii, Paŭdniovaj i Paŭnočnaj Amieryki, Afryki.

Kampanija pa ekspartu i impartu elektraabstalavańnia (CUEC) źjaŭlajecca źniešniehandlovaj karparacyjaj, jakaja intehruje handal i pramysłovaść.

• 0
• 0
• 0
• 0
• 0
• 0
• 0
• 0