Papiarovy časopis «Śpiecnaz» paviedamlaje, što ŭ dačynieńni da zatrymanaha ŭ Viciebsku bajca «Azova» Stanisłava Hančarova zaviedziena 12 kryminalnych spraŭ.
Pavodle infarmacyi časopisa, supracoŭniki HUBAZiK vykryli datyčnaść «Teror-mašyny» — taki ŭ Hančarova byŭ pazyŭny ŭ bataljonie — da 18 złačynstvaŭ na Viciebščynie, siarod jakich raspalvańnie mižnacyjanalnaj varožaści, vykradańnie majomaści, «schileńnie da vykanańnia pazykovych abaviazkaŭ», chulihanstva i ŭciahvańnie niepaŭnaletnich u złačynnuju dziejnaść.
«Śpiecnaz» pryvodzić padrabiaznaści: maŭlaŭ, pačynajučy z 2012 hodu Hančaroŭ z paplečnikami z kalafutbolnaj hrupiroŭki Softline Vitebsk-SxE vymahaŭ hrošy, adymaŭ vopratku ŭ studentaŭ u viciebskich internatach, dvojčy, žorstka źbivajučy svaich achviar, skinchedy nanosili im rany skalpielem.
Tamu, aproč inšaha, u dačynieńni da Hančarova zaviedziena 12 kryminalnych spraŭ, ź ich try pa artykule 130 Kryminalnaha kodeksa Biełarusi («Raspalvańnie varožaści»), adzin — pa artykule 347 («Ździek z trupa ci mahiły»).
Spravu ŭ zakrytym režymie budzie razhladać Viciebski abłasny sud, pieršaje pasiedžańnie adbudziecca 12 śniežnia.
Aproč Hančarova, na łavie padsudnych jašče siem čałaviek: samy małodšy 1998 hoda naradžeńnia.
Nahadajem, Hančarova zatrymali ŭ krasaviku 2016 hoda supracoŭniki HUBAZiK, kali chłopiec viarnuŭsia dadomu ŭ Viciebsk z Ukrainy, dzie vajavaŭ u składzie bataljona «Azoŭ».
Cieła Hančarova razmalovana tatuiroŭkami na nacysckuju temu, «UKantakcie» vioŭ staronku pad imiem Karł Cenier — hetak zvali kiraŭnika biełaruskaj palicyi, jaki za časami vajny adznačyŭsia vyniščeńniem minskich habrejaŭ.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy60
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary