Polski žurnalist Tomaš Maciajčuk atrymaŭ kampiensacyju ŭ pamiery 50 tysiač rasijskich rubloŭ (kala 775 dalaraŭ) ad telekanała TVC paśla taho, jak jaho ŭdaryli ŭ efiry prahramy «Prava hołasu». Pra heta žurnalist raspavioŭ telekanału Dožd́
U listapadzie padčas zdymak prahramy «Prava hołasu» Maciajčuk zajaviŭ, što «ukraincy taksama chočuć žyć jak narmalnyja ludzi, a nie ŭ łajnie, jak vy [rasijanie]». Viadučy prahramy Roma Babajan skazaŭ žurnalistu, kab toj «pajšoŭ adsiul nafih». Zatym Maciejčuka abstupili hości studyi, adzin ź jakich udaryŭ jaho pa tvary.
«Telekanał TVC paprasiŭ prabačeńnia i daŭ mnie kampiensacyju — 50 tysiač rubloŭ. Ja chaču pieradać hetyja hrošy prytułku dla žyvioł», — raspavioŭ Maciajčuk.
Pry hetym jon pryznaŭ, što jamu nie varta było pramaŭlać frazu pra toje, što rasijanie «žyvuć u łajnie». «Ja ŭśviedamlaju svaju pamyłku i razumieju, što hetaje słova nie pavinna było źjavicca ŭ efiry. Ale ja prosta nie vytrymaŭ. Ja tut [u Rasii] znachodžusia ŭžo treci tydzień i ŭvieś čas čuju abrazy», — skazaŭ žurnalist.
U krasaviku 2016 hoda Słužba biaśpieki Ukrainy zabaraniła Maciejčuku ŭjezd u krainu na piać hadoŭ. Niezadoŭha da hetaha žurnalist u Amsterdamie spytaŭ u ministra zamiežnych spraŭ Ukrainy Paŭła Klimkina, što ŭkrainskija ŭłady źbirajucca rabić z nacyjanalistyčnaj arhanizacyjaj Misanthropic Division, členy jakoj uvachodzili ŭ skład bataljona «Azoŭ».
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie44
Kamientary