Premjer-ministr Biełarusi Andrej Kabiakoŭ kanstatuje pastupovaje adnaŭleńnie asnoŭnych pakazčykaŭ ekanamičnaha raźvićcia. Pra heta jon zajaviŭ na pasiadžeńni Savieta Ministraŭ u pašyranym składzie, pieradaje karespandent BIEŁTA.
«Statystyka śviedčyć ab pastupovym adnaŭleńni asnoŭnych pakazčykaŭ ekanamičnaha raźvićcia. Vyraŭniałasia situacyja ŭ sielskaj haspadarcy — pa vytvorčaści pradukcyi na 3,8 pracenta pierasiahnuli ŭzrovień minułaha hoda. Štomiesiac padciahvajecca da ŭzroŭniu minułaha hoda pramysłovaść — 98,5 pracenta. Pry hetym «Biellehpram», Minpram, «Biełdziaržcharčpram», Ministerstva achovy zdarovy (farmpramysłovaść) pierasiahnuli ŭzrovień minułaha hoda na 0,8-6,8 pracenta. Abjomy vytvorčaści adnoŭleny ŭ 8 z 13 padsiekcyj apracoŭčaj pramysłovaści», — adznačyŭ Andrej Kabiakoŭ.
Rentabielnaść prodažaŭ vyrasła da 7,4 pracenta, uvajšli ŭ hrafik pa ŭzroŭni inflacyi — za 10 miesiacaŭ 9,2 pracenta. Zbałansavany źniešni handal tavarami i pasłuhami.
«Salda za 9 miesiacaŭ dadatnaje — $391 młn, abo 1,1 pracenta ad VUP, pry prahnozie 0,5 pracenta», — padkreśliŭ jon.
Andrej Kabiakoŭ źviarnuŭ uvahu, što stabilizavany valutny rynak. Za 10 miesiacaŭ čysty prodaž valuty nasielnictvam i pradpryjemstvaŭ skłaŭ $1,6 młrd, u tym liku ŭ kastryčniku — $325 młn.
Taksama jon adznačyŭ palapšeńnie situacyi na kredytna-depazitnym rynku.
«Terminovyja rublovyja depazity nasielnictva za 10 miesiacaŭ pryraśli na Br203 młn. Tolki za apošni miesiac jany pavialičylisia na Br78 młn. Heta va ŭmovach, kali staŭki pa takich depazitach źnižajucca», — skazaŭ Andrej Kabiakoŭ.
Ciapier čytajuć
Łukašenka zajaviŭ pra hatoŭnaść pryjechać u Kijeŭ86
Kamientary