Amierykanskija vyviedvalnyja struktury pašyrajuć aktyŭnaść suprać Rasii
Ahienty CRU, kibierapieracyi Nacyjanalnaha ahienctva biaśpieki, spadarožnikavaja vyviedka i astatnija vyviedvalnyja mahčymaści ZŠA ŭsio aktyŭniej skiroŭvajucca suprać Rasii, paviedamlajuć amierykanskija ŭradoŭcy.
Maštab hetaj dziejnaści dasiahnuŭ samaha vysokaha ŭzroŭniu z časoŭ Chałodnaj vajny, piša washingtonpost.com.
Za apošnija 25 hod vyviedka ZŠA pieranakiravała svaje resursy ad SSSR na zmahańnie z teroram, u zony łakalnych kanfliktaŭ i na vajennyja teatry, dzie ZŠA viali svaje bajavyja apieracyi.
Adnak u apošnija dva hady akupacyja i anieksija ŭkrainskaha Kryma, interviencyja na Danbasie i ŭ Siryi prymusili vielizarnuju vyviedvalnuju mašynu Vašynhtona znoŭ skiravać svaju ŭvahu ŭ bok Maskvy.
Eskałacyja vyviedvalnych apieracyj - častka bolš šyrokaha pracesu adnaŭleńnia kanfliktnych adnosin pamiž Rasijaj i ZŠA, piša vydańnie. Zaŭvažny rost napružanaści amal u kožnym aśpiekcie amierykanska-rasijskich kantaktaŭ.
Adnak i ciapier Rasija pryciahvaje nie bolš čym 10 adsotkaŭ vyviedvalnych resursaŭ Vašynhtona, u paraŭnańni z 40 adsotkami ŭ pieryjady maksimalnaj napružanaści padčas Chałodnaj vajny.
Pa mierkavańni pradstaŭnikoŭ amierykanskich śpiecsłužbaŭ, zaraz tolki Słužba źniešniaj vyviedki RF maje kala 150 apieratyŭnikaŭ ŭ ZŠA, u toj čas jak CRU maje nie bolš čym niekalki dziasiatkaŭ u RF.
Novym ahientam CRU, jakija rychtujucca da pracy ŭ Rasii, spatrebiacca jašče hady padrychtoŭki, kab stać efiektyŭnymi apieratyŭnikami vyviedki.
Ź inšaha boku, amierykancy mohuć vykarystoŭvać dla viarboŭki siłavikoŭ i čynoŭnikaŭ Pucina apieratyŭnikaŭ u tych rehijonach, kudy jeździć bahaty čynavienska-aliharchičny kłas RF, paviedamlajuć krynicy.
Kamientary