Były hienieralny mieniedžar chakiejnaha kłuba «Dynama» (Minsk) Uładzimir Bieražkoŭ admoviŭsia davać śviedčańni ŭ sudzie pa kryminalnaj spravie byłoha hienieralnaha dyrektara kłuba Maksima Subotkina.
Bieražkoŭ skarystaŭsia pravam nie śviedčyć suprać siabie. U toj ža čas sud Pieršamajskaha rajona Minska, jaki razhladaje spravu Subotkina, paličyŭ metazhodnym abviaścić u pracesie pratakoły dopytaŭ Bieražkova na papiarednim śledstvie.
Bieražkoŭ i Subotkin byli zatrymanyja letam 2015 hoda. U kancy lipienia pa abvinavačvańni ŭ złoŭžyvańni słužbovymi paŭnamoctvami, što paciahnuła ciažkija nastupstvy ŭ vyhladzie naniasieńnia ŭronu ŭ asabliva bujnym pamiery, zatrymali Subotkina. U žniŭni stała viadoma pra zatrymańnie Bieražkova, jamu vystavili abvinavačvańnie ŭ zavałodańni hrašovymi srodkami kłuba na 1 młrd 90 młn rubloŭ z vykarystańniem słužbovych paŭnamoctvaŭ (č. 4 art. 210 KK).
1 lutaha 2016 hoda Śledčy kamitet paviedamiŭ pra zaviaršeńnie rasśledavańnia kryminalnaj spravy ŭ dačynieńni da Bieražkova i Subotkina, a taksama pra toje, što jany pakryli amal 3 młrd rubloŭ škody i paprasili vyzvalić ich ad kryminalnaj adkaznaści.
Kamientary