Mytnyja pošliny na ŭvoz elektramabilaŭ u krainy JEAES admianili da vieraśnia 2017 hoda
Mytnyja pošliny na ŭvoz elektramabilaŭ u krainy Jeŭrazijskaha ekanamičnaha sajuza (JEAES) admianili da 31 žniŭnia 2017 hoda. Rašeńnie, jakoje raniej pryniaŭ saviet Jeŭrazijskaj ekanamičnaj kamisii (JEEK) z metaj padtrymki rynku elektramabilaŭ u krainach JEAES (Armienija, Biełaruś, Kazachstan, Kyrhyzstan, Rasija), nabyło moc 2 vieraśnia 2016 hoda.
Staŭka mytnaj pošliny na lehkavyja elektramabili źnižajecca z 17% da 0%, a na hruzavyja z poŭnaj masaj da 5 ton — c 15% da 5%. Dadzienaje rašeńnie nie tyčycca aŭtamabilaŭ z hibrydnym ruchavikom i «płahin-hibrydnych» aŭtamabilaŭ.
Jak adznačała pres-słužba JEEK, rynak elektramabilaŭ u krainach JEAES pakul jašče vielmi adčuvalny da cany. Z 1 lutaha 2014 hoda pa 31 śniežnia 2015 hoda na elektramabili ŭžo dziejničała nulavaja staŭka ŭvaznoj mytnaj pošliny. U 2015 hodzie ŭ krainy JEAES było ŭvieziena 684 elektramabili pieravažna z ZŠA, Kitaja i Japonii, a ŭ studzieni-krasaviku 2016 hoda — tolki 28.
Źnižeńnie pošlin zaklikana stymulavać vykarystańnie ekałahična čystaha transpartu ŭ JEAES i stvaryć umovy dla farmiravańnia rynku elektramabilaŭ. Šyrokaje vykarystańnie lehkavych i hruzavych elektramabilaŭ pavinna stymulavać raźvićcio abjektaŭ zaradnaj infrastruktury.
Ci budzie ŭ nastupnym hodzie pradoŭžana hetaja miera, zaležyć ad raźvićcia rynku elektramabilaŭ, nieabchodnaj infrastruktury, a taksama ad taho, ci budzie ŭ krainach JEAES zapuščana sieryjnaja vytvorčaść elektramabilaŭ, padkreślivajuć u JEEK.
Kamientary