Biełaruś atrymała druhuju pieramohu ŭ kvalifikacyjnym raŭndzie chakiejnaha turniru da Alimpijady-2018. Siońnia na Minsk-Arenie biełarusy vyjhrali ŭ Polščy ź likam 5:3 (4:2, 1:0, 0:1). Pryčym padapiečnyja Dejva Ljuisa prajhravali 0:2.
Nahadajem, što ŭčora biełarusy pieramahli Daniju ź likam 5:2. Słaviency siońnia vyjhrali ŭ Danii — 3:0.
Paśla 2 turaŭ: Biełaruś, Słavienija — 6, Danija, Polšča — 0.
Takim čynam pucioŭka na Zimovuju Alimpijadu budzie razyhrana ŭ matčy Biełaruś — Słavienija, što projdzie na Minsk-Arenie ŭ niadzielu (17:00).
Mienavita słaviency try hady tamu ŭ Danii nie puścili biełarusaŭ na Alimpijadu ŭ Sočy.
***
U chakiejnym turniry Alimpijady-2018, što projdzie ŭ Paŭdniovaj Karei, voźmie ŭdzieł 12 kamandaŭ.
9 miescaŭ užo zabraniravanyja: Paŭdniovaja Kareja (haspadynia), Kanada, ZŠA, Rasija, Šviecyja, Finlandyja, Čechija, Słavakija. Šviejcaryja (jak zbornyja z najlepšym rejtynham).
Try pucioŭki razyhryvajucca ŭ kvalifikacyi.
Aproč Minska, prachodzić anałahičny turnir u Ryzie (Łatvija, Hiermanija, Aŭstryja, Japonija) i ŭ Osła (Narviehija, Kazachstan, Francyja, Italija).
Kamientary