Hramadstva100100

Unija nie źjaŭlajecca nacyjanalnaj relihijaj biełarusaŭ, ličyć mitrapalit Pavieł

Unija nie źjaŭlajecca nacyjanalnaj relihijaj biełarusaŭ, zajaviŭ patryjaršy ekzarch usiaje Biełarusi mitrapalit Minski i Zasłaŭski Pavieł padčas propaviedzi ŭ kafiedralnym Spasa-Preabraženskim sabory Mahilova.

Propaviedź adbyłasia ŭ ramkach mierapryjemstvaŭ, pryśviečanych śviacicielu Hieorhiju Kaniskamu, jakija prachodziać u Mahilovie 5—6 žniŭnia.

«Niekatoryja kažuć, što nibyta katoliki — heta palaki, italjancy, a pravasłaŭnyja — heta Maskva, maskvičy, a nacyjanalnaja relihija biełarusaŭ — unija», — zajaviŭ mitrapalit Pavieł.

«Patryjarch Kirył, sustrakajučysia z Papam, padpisali dakumient, u jakim asudžajecca unija», — dadaŭ jon.

Pavodle słoŭ kiraŭnika BPC, unija nie źjaŭlajecca čymści, što abjadnoŭvaje, a, naadvarot, «była strašnaj sprobaj naviazać pravasłaŭnym katalickuju vieru».

Mitrapalit Pavieł nahadaŭ, što mienavita dziakujučy dziejnaści śviaciciela Hieorhija Kaniskaha va ŭłońnie pravasłaŭnaj carkvy z unii viarnulisia sotni tysiač čałaviek.

Patryjaršy ekzarch adznačyŭ, što, ciapier «nichto nie ŭciskaje za relihijnyja pierakanańni, možna chadzić ci nie chadzić u chramy, adnak heta jość spakusa svabodaj i treba spytać siabie, jak časta my naviedvajem chramy, vykonvajem zapaviedzi Božyja».

U nabaženstvie, jakoje prajšło ŭ samym novym u Mahilovie chramie, uziali ŭdzieł jepiskapy Mahiloŭski i Mścisłaŭski Safronij, Babrujski i Bychaŭski Sierafim, Brescki i Kobrynski Iaan, Turaŭski i Mazyrski Leanid, Homielski i Žłobinski Stefan, Barysaŭski i Marjinahorski Vieńjamin.

Minułaj nočču ŭ Śviata-Nikolskim žanočym manastyry Mahilova adbyłosia ŭsianočnaje tryvańnie ŭ honar Hieorhija Kaniskaha, a siońnia prajšoŭ pryśviečany jamu chrosny chod ad manastyra da doma na Archirejskim vale Hieorhija Kaniskaha, dzie žyŭ śviaciciel.

Nahadajem, sioleta pravasłaŭnaja hramadskaść Mahilova inicyjavała pierajmienavańnie płoščy Ardžanikidze ŭ płošču śviaciciela Hieorhija Kaniskaha. Byli sabranyja bolš za 2,5 tysiačy podpisaŭ.

Imia fiłosafa, piedahoha, bahasłova i hramadskaha dziejača Rečy Paspalitaj, a zatym Rasijskaj impieryi Hieorhija Kaniskaha ciesna źviazana z Mahilovam: u 1755 hodzie jon byŭ paśviečany ŭ san jepiskapa Mahiloŭskaha, aktyŭna zmahaŭsia za zachavańnie i adradžeńnie pravasłaŭja na biełaruskaj ziamli. U 1795 hodzie adkryŭ u Mahilovie pry archirejskim domie drukarniu i pieravydaŭ skaročany tekst «Katechizisa» Fieafana Prakapoviča ŭ svaim pierakładzie na «ruski dyjalekt», jak jon nazyvaŭ biełaruskuju movu. U tym ža hodzie stvaryŭ pry Spaskim manastyry navučalnyja kłasy i zasnavaŭ duchoŭnuju sieminaryju dla śviataroŭ, sabraŭ značny archiŭ dakumientaŭ pa historyi pravasłaŭnaj carkvy. U 1793 hodzie Kaniski staŭ archijepiskapam i byŭ abrany ŭ Sinod. Jaho namahańniami była arhanizavana pravasłaŭnaja Minskaja jeparchija. Dałučany da liku miascovašanavanych śviatych Biełaruskaha ekzarchata Ruskaj pravasłaŭnaj carkvy ŭ 1993 hodzie.

Kamientary100

Ciapier čytajuć

Były hałoŭny ideołah Biełarusi pradaŭ dom u Drazdach za $600 tysiač

Były hałoŭny ideołah Biełarusi pradaŭ dom u Drazdach za $600 tysiač

Usie naviny →
Usie naviny

Vital Kličko: Kožny ŭ našaj dziaržavie, u našaj krainie stamiŭsia ad hetaj vajny6

U Varšavie prajšoŭ žanočy śniadanak sa Śviatłanaj Cichanoŭskaj7

Rasiju padazrajuć u dyviersii — zabrudžvańni azierbajdžanskaj nafty dla Jeŭropy4

U Bałharyi patanuŭ znakamity rasijski teatralny režysior Juryj Butusaŭ6

«Situacyja zaraz na palityčnaj arenie napružanaja». Rajonka apublikavała kamientary prybiralščycy nakont intervju Łukašenki žurnału Time13

Fica paraŭnaŭ Ukrainu z travoj padčas seksu słanoŭ — MZS Ukrainy adreahavała10

Kali zaŭtra vajna: ukrainka i biełaruska z Bučy dajuć parady, jak padrychtavacca7

Zdavałasia, heta kaniec, ale heta stała pačatkam šlachu da svabodnaj Biełarusi. Jakim było samaje niedaacenienaje paŭstańnie ŭ biełaruskaj historyi4

Dapamoha siemjam u ES: jakija krainy prapanujuć lepšaje sacyjalnaje zabieśpiačeńnie1

bolš čytanych navin
bolš łajkanych navin

Były hałoŭny ideołah Biełarusi pradaŭ dom u Drazdach za $600 tysiač

Były hałoŭny ideołah Biełarusi pradaŭ dom u Drazdach za $600 tysiač

Hałoŭnaje
Usie naviny →

Zaŭvaha:

 

 

 

 

Zakryć Paviedamić