Saviet eksparcioraŭ budzie stvorany pry Ministerstvie zamiežnych spraŭ Biełarusi, paviedamili ŭ Departamiencie źniešnieekanamičnaj dziejnaści ministerstva.
Heta praduhledžana Nacyjanalnaj prahramaj padtrymki i raźvićcia ekspartu na 2016-2020 hady.
Płanujecca, što ŭ skład savieta ŭvojduć pradstaŭniki arhanizacyj-eksparcioraŭ i abjadnańniaŭ pradprymalnikaŭ. «Saviet stvarajecca dla vypracoŭki kanceptualnych rašeńniaŭ dla padtrymki našych eksparcioraŭ i vyjaŭleńnia kankretnych prablemnych pytańniaŭ, što ŭźnikajuć u pradpryjemstvaŭ pry ažyćciaŭleńni ekspartu, — rastłumačyli ŭ departamiencie. — Takim čynam budzie pradoŭžana adrasnaja dapamoha biełaruskim eksparcioram pa roznych napramkach».
U chodzie realizacyi prahramy taksama budzie praviedziena revizija nacyjanalnaha zakanadaŭstva ŭ halinie padtrymki i raźvićcia ekspartu. «Płanujecca pierahlad narmatyŭnych pravavych aktaŭ na pradmiet ich adaptacyi da biahučych ekanamičnych umoŭ», - dadali ŭ departamiencie.
Značnuju ŭvahu płanujecca ŭdzialić pavyšeńniu efiektyŭnaści raboty źniešnieekanamičnych i markietynhavych słužbaŭ arhanizacyj-eksparcioraŭ. «U jakaści adnaho z važnych instrumientaŭ budzie vykarystoŭvacca partał infarmacyjnaj padtrymki ekspartu www.export.by», — padkreślili ŭ MZS. Biełaruskim eksparcioram taksama treba budzie pravieści rabotu pa madernizacyi svaich sajtaŭ i ich multymoŭnych viersij z padrychtoŭkaj kamiercyjnych prapanoŭ, adaptavanych pad rehijanalnyja rynki.
Kamientary