Premjer-ministr Turcyi Binali Yłdyrym u intervju The Guardian zajaviŭ, što zachavańnie siabroŭskich adnosin pamiž Vašynhtonam i Ankaroj zaležyć ad vydačy apazicyjnaha musulmanskaha bahasłova i lidara ruchu «Chiźmiet» Fietchułacha Hiulena, jaki abvinavačvajecca ŭ arhanizacyi sproby vajskovaha pieravarotu.
«Viadoma, da taho času, pakul lidar hetaj terarystyčnaj arhanizacyi praciahvaje pražyvać u ZŠA, u dumkach ludziej uźnikajuć pytańni, ci nie było tut udziełu ci padtrymki z boku ZŠA. Tamu Amierycy z hetaha momantu varta sapraŭdy padumać, jak jana budzie supracoŭničać z Turcyjaj, jakaja źjaŭlajecca dla jaje stratehičnym sajuźnikam u rehijonie i śviecie», — zajaviŭ Yłdyrym.
Premjer padkreśliŭ, što dakumienty, jakija adnosiacca da ŭdziełu Hiulena ŭ sprobie pieravarotu, jašče nie dasyłalisia ŭ Vašynhton, ale abaviazkova buduć nakiravanyja.
Kamientary