Rasijskija samaloty naŭmysna bambili bazu amierykanskich i brytanskich kamandas u Siryi
Bajavyja samaloty RF u červieni nanieśli ŭ Siryi bombavy ŭdar pa bazie, jakaja vykarystoŭvałasia amierykanskim padraździaleńniem śpiecyjalnaha pryznačeńnia, raspaviali Wall Street Journal krynicy ŭ Pientahonie i brytanskim Ministerstvie abarony.
Raniej Vašynhton i Maskva damovilisia ŭzhadniać paloty avijacyi ŭ Siryi i abmieńvacca infarmacyjaj, kab papiaredžvać incydenty.
Prykładna za dzień da bambiožki 20 z 24 brytanskich žaŭnieraŭ pakinuli bazu. Rasijski samalot skinuŭ na jaje kasietnuju bombu 16 červienia.
Štab amierykanskaj avijacyi zafiksavaŭ pralot samalota i skantaktavaŭsia z rasiejcami, paviedamlajučy im pra toje, što abjekt nielha bambić, adnak praz paŭtary hadziny ŭdar paŭtaryŭsia.
Rasijskija piłoty nie adkazvali na zapyty na častotach, jakija byli ŭzhodnienyja amierykanskim i rasijskim bakami dla kaardynacyi. U vyniku bambiožak zahinuli jak minimum čatyry siryjcy, paviedamlaje foxnews.com.
Potym vajskoŭcy RF stali apraŭdvacca roznymi sposabami. Spačatku zajavili, byccam dumali, što baza naležyć «Isłamskaj dziaržavie». Potym skazali, što Iardanija dazvoliła nanieści ŭdar. Potym zajavili, što nie mahli adklikać bambaviki, bo nie viedali, jakuju bazu amierykancy mieli na ŭvazie.
Usie apraŭdańni amierykanskija vajskoŭcy paličyli adkrytaj chłuśnioj, što da minimumu źniziła davier da rasijskich «kaleh» i abmien infarmacyjaj ź imi.
Bambiožka, ličać ekśpierty, stała adnoj z apieracyj RF pa prymušeńni Vašynhtona da «kampramisu» i «lepšaha ŭzajemadziejańnia» u Siryi.
Ciapier čytajuć
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie4040
Kamientary