Futbalist «Zienita» i zbornaj Rasii Alaksandr Kakoryn abvierhnuŭ infarmacyju ab tym, što jon razam z Paŭłam Mamajevym vydatkavaŭ na šampanskaje €250 tysiač za adzin viečar. Pra heta Kakoryn paviedamiŭ TASS.
Raniej partał Life.ru raspaŭsiudziŭ infarmacyju, što futbalisty zbornaj Rasii Kakoryn i Mamajeŭ patracili €250 tysiač na šampanskaje ŭ Manaka.
«Było b hłupstvam admaŭlać, što my prysutničali ŭ dadzienaj ustanovie, — skazaŭ Kakoryn. — Heta było 4-5 dzion tamu. Usie, chto viedajuć heta miesca, mohuć paćvierdzić, što tam zaŭsiody znachodzicca šmat ruskich naviedvalnikaŭ. Tak było i hetym razam».
«Chtości śviatkavaŭ dzień naradžeńnia, a my prosta znachodzilisia tam, - praciahnuŭ futbalist. — Naturalna, usie bačyli hetyja zakazanyja plaški, čuli himn Rasii, ale navošta prypisvać arhanizacyju ŭsiaho hetaha nam? My nie majem nijakaha dačynieńnia ni da rachunkaŭ za hetuju viečarynu, ni da jaje anturažu, a na tyja hrošy, pra jakija idzie havorka ŭ ŚMI, možna było b kupić nie tolki šampanskaje, ale i ŭsiu hetu ŭstanovu».
Zbornaja Rasii niaŭdała vystupiła na Jeŭra-2016, nie zdoleŭšy vyjści z hrupy. Kamandzie zhulała ŭničyju z anhličanami (1:1), sastupiła słavakam (1:2) i valijcam (0:3). Kakoryn i Mamajeŭ ŭdzielničali va ŭsich troch sustrečach.
Što praŭda, Kakoryna i Mamajeva pieraviali ŭ dubl «Zienita» i «Krasnadara» adpaviedna.
Kamientary