Vychad Brytanii ź Jeŭrasajuza budzie mieć nastupstvy i dla śvietu, i dla Rasii, zajaviŭ Uładzimir Pucin.
Jon padkreśliŭ, što Rasija nie budzie ŭmiešvacca ŭ pracesy, źviazanyja z «breksitam», i nikoli nie sprabavała hetaha rabić.
Rasijski prezident, vystupajučy ŭ Taškiencie pa zakančeńni samitu ŠAS, raskrytykavaŭ słovy premjer-ministra Vialikabrytanii Devida Kemierana, jaki zajaviŭ, što «breksit» — na ruku Rasii.
Pucin nazvaŭ hetyja słovy brytanskaha premjera «prajavaj nizkaha ŭzroŭniu palityčnaj kultury».
«Nie dumaju, što «breksit» paŭpłyvaje na sankcyjnuju palityku ES u dačynieńni da Rasii», — cytuje Pucina Interfaks.
Rasija budzie imknucca da minimizacyi niehatyŭnych nastupstvaŭ «breksita» dla ekanomiki krainy, dadaŭ Uładzimir Pucin.
Raniej premjer-ministr Rasii Dźmitryj Miadźviedzieŭ vykazaŭ zaniepakojenaść napružanaj situacyjaj na rynkach i padzieńniem koštaŭ na naftu, vyklikanymi vynikami refierendumu ab vychadzie Brytanii ź ES.
«Užo ŭpała cana na naftu. Kurs funta, jeŭra taksama znachodzicca pad ciskam. Vielmi surjozna pavysiłasia vałacilnaść rynku syraviny i fondavych rynkaŭ. Nas, viadoma, heta nie raduje. Heta dadatkovyja ryzyki dla suśvietnaj ekanomiki, a značyć, i dla našaj ekanomiki, jakaja źjaŭlajecca častkaj ekanomiki suśvietnaj», — skazaŭ Miadźviedzieŭ.
Pavodle słoŭ rasijskaha premjera, uradu treba budzie praanalizavać nastupstvy brytanskaha refierendumu i pryniać unutranyja rašeńni ŭ intaresach rasijskaj ekanomiki.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary