Elektryčny honačny aŭtamabil, pabudavany šviejcarskimi studentami-inžynierami, pabiŭ suśvietny rekord pa paskareńni aŭtamabila, jaki siłkujecca ad aŭtanomnaj krynicy elektraenierhii.
Aŭtamabil zmoh za 1,513 siekundy razahnacca da chutkaści 100 km u hadzinu. Kab dasiahnuć hetaj chutkaści, jamu spatrebiłasia ŭsiaho 30 mietraŭ.
Papiaredni rekord byŭ pastaŭleny letaś aŭtamabilem, sabranym va Univiersitecie Štutharta. Jon zmoh razahnacca da 100 km u hadzinu za 1,779 siekundy.
Samy chutki z užo vypuščanych u vytvorčaść aŭtamabilaŭ — hibrydny Porsche 918 Spyder — razhaniajecca da 100 km u hadzinu za 2,2 siekundy.
Na dadzieny momant ni adzin bienzinavy abo dyzielny aŭtamabil nie moža razahnacca da takoj chutkaści za hetak małuju kolkaść času.
Aŭtamabil pabudavali 30 studentaŭ sa Šviejcarskaj vyšejšaj techničnaj škoły Ciurycha i Univiersiteta prykładnych navuk Lucerna.
U zajavie Ciurychskaha univiersiteta havorycca, što aŭtamabil moža adkryć šlach da ŭdaskanaleńnia technałohij chutkaha paskareńnia.
Aŭtamabil važyć usiaho 168 kh dziakujučy vykarystańniu vuhlarodnaha vałakna ŭ jaho korpusie.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary