Kamandujučy amierykanskimi ŭzbrojenymi siłami ŭ Jeŭropie hienierał-lejtenant Ben Chodžes zajaviŭ, što NATA nie ŭ stanie razharnuć svaje siły va Uschodniaj Jeŭropie tak ža chutka, jak i Rasija.
«Ruskija ŭ stanie pieramiaščać vielmi vialikuju kolkaść vojskaŭ i techniki na vialikija adlehłaści vielmi chutka», — skazaŭ amierykanski hienierał u intervju teleprahramie Bi-bi-si Hardtalk u chodzie bujnamaštabnych manieŭraŭ NATA na paŭnočnym zachadzie Polščy.
Na dumku Chodžesa, Paŭnočnaatłantyčny aljans pavinien vałodać takoj ža zdolnaściu. «My pavinny navučycca razhortvać svaje siły za try dni», — ličyć jon.
U nataŭskich vučeńniach «Anakonda-16», jakija prachodzili ŭ Polščy z 7 pa 17 červienia, udzielničali padraździaleńni z 24 krain aljansu.
Na nastupny dzień paśla ich zakančeńnia ministr zamiežnych spraŭ Hiermanii Frank-Valter Štajnmajer pieraściaroh NATA ad «brazhańnia zbrojaj i raspalvańnia militaryzmu», zaklikaŭšy da zamieny vučeńniaŭ dyjałoham i ŭmacavańniem supracoŭnictva z Rasijaj.
«Tyja, chto ličać, što simvaličnyja tankavyja parady va Uschodniaj Jeŭropie ŭmacoŭvajuć našu biaśpieku, ździajśniajuć pamyłku», — skazaŭ Štajnmajer u intervju haziecie Bild.
Stratehija NATA ŭ adnosinach da Rasii budzie abmiarkoŭvacca na lipieńskim samicie Paŭnočnaatłantyčnaha aljansu ŭ Varšavie.
Rasija pravodziła bujnyja vajskovyja vučeńni la miežaŭ z Ukrainaj u pieryjad paśla anieksii Kryma i pačatku ŭzbrojenaha kanfliktu ŭ Danbasie.
NATA taksama rehularna skardzicca na ahresiŭnyja pavodziny rasijskich bajavych samalotaŭ u bałtyjskim rehijonie.
«Bolš za ŭsio mianie turbuje najaŭnaja ŭ ich svaboda manieŭru. Kožny raz, kali jany pravodziać nieabjaŭlenyja vučeńni, asabista dla mianie heta niečakanaść. I vy razumiejecie, čamu mianie heta pałochaje», — skazaŭ u chodzie intervju hienierał Chodžes.
Z 2007 hoda rasijskija ŭzbrojenyja siły rychtujucca da praviadzieńnia lubych typaŭ apieracyj na svaich miežach, dadaŭ amierykanski hienierał. Budučy kanflikt, na jaho dumku, chutčej za ŭsio budzie ŭklučać elemienty «hibrydnaj vajny», u tym liku i ŭ kibierprastory.
NATA i zachodnija palityki pakazvajuć na vidavočnyja śviedčańni taho, što Rasija pastaŭlaje vojski i vajennuju techniku sieparatystam u Danieckaj i Łuhanskaj abłaściach Ukrainy. Maskva zaŭsiody adprečvała hetyja abvinavačvańni, zajaŭlajučy, što na baku samaabvieščanych «narodnych respublik» zmahajucca rasijskija «dobraachvotniki».
Hienierał Chodžes prapanavaŭ stvaryć «vajennuju Šenhienskuju zonu», što dało b 28 siabram vajennaha aljansu svabodu pieramiaščeńnia vojskaŭ.
Jon taksama vykazaŭ zaniepakojenaść tym faktam, što Rasija ŭ stanie chutka razharnuć 20 tysiač vajskoŭcaŭ i vialikuju kolkaść vajennaj techniki la miežaŭ krainy, jakaja ŭvachodzić u NATA, abo takoj krainy, jak Hruzija ci Ukraina.
«Ruskija vałodajuć poŭnaj svabodaj manieŭru ŭnutry krainy. Jany mohuć pierakinuć svaje siły ŭ luby punkt krainy tak chutka, jak im heta treba», — zaŭvažyŭ Ben Chodžes.
Tym časam NATA ŭzmacniaje svaju prysutnaść la rasijskich miežaŭ. U Polščy płanujecca raźmiaścić bataljon sił NATA, i jašče pa adnym bataljonie ŭ troch bałtyjskich krainach — Estonii, Łatvii i Litvie — ahulnaj kolkaściu 4 tysiačy vajskoŭcaŭ.
Hetyja častki buduć raciravacca, choć Polšča nastojvaje na raźmiaščeńni na svajoj terytoryi pastajannych baz NATA.
Pa słovach hienierała Chodžesa, aljans pieražyvaje deficyt bajavych samalotaŭ i srodkaŭ SPA va Uschodniaj Jeŭropie. Adnak jon adznačyŭ, što siły strymlivańnia NATA byli ŭzmocnienyja dziakujučy tamu, što ZŠA vydatkavali 3,4 młrd dalaraŭ na toje, kab «viarnuć u Jeŭropu vajennuju techniku».
«Ja liču, što Rasija źjaŭlajecca adzinaj patencyjnaj pahrozaj, zdolnaj źniščyć ZŠA, Brytaniju, Hiermaniju abo lubuju inšuju krainu ŭ siłu taho faktu, što jana maje jadziernyja siły. I ruskija šmat kažuć pra svaju jadziernuju zbroju», — zajaviŭ amierykanski hienierał.
Aryštavany 75‑hadovy Źmicier Sańko — vieteran-vydaviec3
Kamientary