Ułady «DNR» hatovyja vieści dyjałoh z deputatam Viarchoŭnaj rady Ukrainy Nadziejaj Saŭčanka, kali Kijeŭ daść joj takija paŭnamoctvy, zajaviŭ u aŭtorak žurnalistam t.zv. paŭprad «DNR» u kantaktnaj hrupie Dzianis Pušylin.
«Vielmi dziŭna, što mienavita ŭ Saŭčanka paŭstali takija dumki, što patrebny dyjałoh, nieabchodna razmaŭlać z Danbasam, stralać marna i ŭsio astatniaje. Tamu, kali ŭ Saŭčanka buduć nieabchodnyja paŭnamoctvy, my hatovyja ź joj razmaŭlać», — skazaŭ Pušylin.
Na jaho dumku, pazicyja Kijeva ŭ pierahavornym pracesie zastajecca niekanstruktyŭnaj, dla źmieny situacyi nieabchodnaje palityčnaje rašeńnie. Pušylin ličyć, što, kali «Saŭčanka ŭ hetym płanie zmoža ŭrehulavać pytańnie, chaj heta budzie Saŭčanka».
«Vyrašać Kijevu», — padkreśliŭ jon.
Raniej Saŭčanka prapanavała Kijevu vyjści na niepasrednyja pieramovy z pradstaŭnikami «DNR» i «ŁNR» pa-za minskim pracesam.
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary