Jany vyjaŭlenyja va Ŭruččy, Zialonym Łuzie, Ślapiancy i navat u Drazdach.
172 čałavieki źviarnulisia ŭ sakaviku—krasaviku hetaha hoda ŭ staličnyja miedycynskija ŭstanovy z pryčyny ŭkusaŭ klaščoŭ. Jak paviedamili BiełaPAN u adździaleńni parazitałohii Minskaha haradskoha centra hihijeny i epidemijałohii, 37 ź ich paviedamili, što byli ŭkušany na terytoryi Minska i pryharada.
Śpiecyjalisty zaznačajuć, što štohod pryblizna 10% paciarpiełych ukazvajuć na ŭkus klašča ŭ miežach lesaparkavych zon Minska i navakollaŭ. Najbolšuju kolkaść ukusaŭ žychary stalicy adznačali ŭ čas znachodžańnia za horadam, u tym liku na sadova‑aharodnych učastkach na terytoryi Minskaha, Puchavickaha, Staŭbcoŭskaha, Dziaržynskaha, Maładziečanskaha, Uździenskaha i inšych rajonaŭ Minskaj vobłaści.
Śpiecyjalistami sanepidsłužby horada iksadovyja klaščy byli vyjaŭleny ŭ pryharadnych lasach kala vadaschoviščaŭ Zasłaŭskaje, Krynica, Drazdy, pasiołka Sosny i lasnych masivach na ŭskrainie horada, prylehłaj da žyłoj zabudovy ŭ rajonie Cnianskaha vadaschovišča i vulicy Mirašničenki, Zialonaha Łuha, Uručča, Ściapianki, Ślapianki, vulic Anharskaja, Hierasimienki, Ściebianiova. Klaščoŭ taksama vyjavili ŭ staličnym parku Pieramohi, Bataničnym sadzie, parku 50‑hodździa Kastryčnika i raźmieščanaj pobač ź im zialonaj zonie na vulicach Biechcierava i Žyłunoviča, lesahadavalniku ŭ rajonie vulicy Panamarenki.
Iksadovyja klaščy źjaŭlajucca pieranosčykami niebiaśpiečnych zachvorvańniaŭ — chvaroby Łajma i klaščovaha encefalitu. Za sakavik—krasavik hetaha hoda ŭ Minsku zafiksavana 13 vypadkaŭ zachvorvańnia Łajma.
U 2007 hodzie ŭ lačebnyja ŭstanovy stalicy z pryčyny ŭkusaŭ klaščoŭ źviarnulisia 7.617 čałaviek (u 2006 hodzie — 8.671). U 2007 hodzie ŭ Minsku było zarehistravana 150 vypadkaŭ zachvorvańnia Łajma (u 2006 hodzie — 230) i šeść vypadkaŭ klaščovaha encefalitu (u 2006 hodzie — 17). U 2006 hodzie ŭ Minsku byŭ zafiksavany vypadak hrupavoha zachvorvańnia žycharoŭ klaščovym encefalitam paśla ŭžyvańnia nieparanaha kazinaha małaka.
Kamientary