Pradstaŭniki EgyptAir i Minavijacyi Jehipta ličać, što A320, jaki lacieŭ z Paryža ŭ Kair i źnik z radaraŭ, raźbiŭsia ŭ Mižziemnym mory. Na borcie pavietranaha sudna znachodzilisia 66 čałaviek.
Jehipiecki A320, jaki ruchaŭsia z Paryža ŭ Kair, vierahodna, paciarpieŭ krušeńnie ŭ Mižziemnym mory. Pra heta zajavili pradstaŭniki avijakampanii EgyptAir i Ministerstva hramadzianskaj avijacyi Jehipta, pieradaje Reuters.
Pa dadzienych dziaržaŭnaj haziety Ahram, u apošni raz samalot, na borcie jakoha znachodzilisia 66 čałaviek, vychodziŭ na suviaź za 10 chvilin da źniknieńnia z radaraŭ.
Raniej u EgyptAir kazali, što samalot źnik ab 2:45 pa miascovym časie (03:45 pa Minsku). Jak vynikaje z treka A320 na sajcie Flightradar, pierad źniknieńniem łajnier znachodziŭsia na vyšyni kala 37 tys. futaŭ (11,2 km). Servis nie zafiksavaŭ źmieny vyšyni palotu samalota pierad jaho zhubaj. Zapis palotu abryvajecca nad Mižziemnym moram na padlocie da Jehipta.
EgyptAir na svajoj staroncy ŭ Twitter paćvierdziła fakt źniknieńnia samalota. Pieršapačatkova avijakampanija paviedamiła, što ŭ momant źniknieńnia z ekranaŭ radaraŭ jon znachodziŭsia ŭ 80 milach (128 kiłamietrach) ad jehipieckaj pavietranaj prastory na vyšyni 11 tysiač mietraŭ. Paźniej u EgyptAir ŭdakładnili, što łajnier źnik u pavietranaj prastory Jehipta.
Dla pošukaŭ samalota EgyptAir stvaryła ekstrany apieratyŭny štab, kudy ŭvajšli pradstaŭniki ŭsich avijacyjnych słužbaŭ.
Rejs MS804 vylecieŭ z aeraporta «Šarl de Hol» u Kair 18 maja a 23:09 pa paryžskim časie (00:09 pa Minsku).
Na jaho borcie znachodzilisia 56 pasažyraŭ i 10 členaŭ ekipaža.
Pa dadzienych sajta FlightRadar 24, rejs vykonvaŭsia samalotam Airbus A320-200, EgyptAir nabyła dadzieny łajnier ŭ 2003 hodzie.
Samalot A320 avijakampanii EgyptAir raźbiŭsia kala hrečaskaha vostrava Karpatas, paviedamiła AFP krynica ŭ adnym z aeraportaŭ Hrecyi.
Pa słovach surazmoŭcy ahienctva, samalot u momant krušeńnia znachodziŭsia ŭ zonie adkaznaści jehipieckich dyśpietčaraŭ.
Raniej paviedamlałasia, što samalot A320 źnik z ekranaŭ radaraŭ nad Mižziemnym moram prykładna za 45 chvilin da zapłanavanaj pasadki. Samalot u hety momant znachodziŭsia ŭ 280 kiłamietrach ad uźbiarežža Jehipta. U jehipieckuju pavietranuju prastoru łajnier uvajšoŭ za niekalki chvilin da źniknieńnia z radaraŭ.
***
Avijacyjnyja ŭłady Jehipta pieršapačatkova paviedamili, što z borta samalota byŭ atrymany niejki sihnał, jak miarkujecca, sihnał biedstva. Hrečaskija dyśpietčary, u svaju čarhu zajavili, što ŭ čas apošniaha sieansu suviazi z A320 ekipaž ni ab jakich niepaładkach nie paviedamlaŭ. Sihnały biedstva ad jehipieckaha samalota hrečaskija dyśpietčarskija słužby nie atrymlivali.
Kamientary