Inśpiektar DAI, što paciarpieŭ u DTZ z matacyklistam, dva tydni ŭ komie
Inśpiektar DAI, jaki paciarpieŭ 18 krasavika ŭ darožna-transpartnym zdareńni ŭ Minsku, dahetul znachodzicca ŭ komie. Pra heta paviedamiła aficyjny pradstaŭnik Śledčaha kamiteta Julija Hančarova.
«Stan jaho nie źmianiŭsia — stabilna ciažki, jon znachodzicca ŭ komie», — skazała jana.
U hetym stanie inśpiektar DAI znachodzicca voś užo roŭna dva tydni.
Nahadajem, 18 krasavika ŭ Minsku na skryžavańni praśpiekta Niezaležnaści i vulicy Kazłova ŭ darožna-transpartnym zdareńni paciarpieli inśpiektar darožna-patrulnaj słužby i matacyklist. Pa viersii DAI, matacyklist źbiŭ inśpiektara, kali toj padyšoŭ da jaho i zapatrabavaŭ pakazać dakumienty. Pa słovach vidavočcaŭ, paśla taho, jak daišnik pasprabavaŭ zatrymać matacyklista i schapiŭsia za jaho, kiroŭca raptoŭna startavaŭ i paciahnuŭ milicyjaniera za saboj na siaredzinu skryžavańnia, i ich abodvuch źbiła mašyna inkasacyi.
Inśpiektaru DAI ŭ toj ža dzień zrabili apieracyju, i z taho času jon znachodzicca ŭ reanimacyi.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary