20.05
Vital Rymašeŭski śćviardžaje, što papiarednie ź milicyjaj było damoŭlena, što ramak na miescy mitynhu nie budzie. Vyrašana nie iści za ramki i nie pravodzić mitynh. Milicyi hukajuć «Hańba!»
Zastałosia niekalki socień udzielnikaŭ. Akcyju vyrašana skončyć chvilinaj maŭčańnia.
20.00
Kałona dajšła da kaplicy, abniesienaj mietaličnymi ramkami. Adbyvajecca nadhlad, usich pilna abšukvajuć. Achvotnych prajści za turnikiety niašmat.
19.40
U kałonie kala tysiačy čałaviek. Ludzi padyšli da skryžavańnia Surhanava i Bahdanoviča. U Minsku vielmi choładna, tamu niekatoryja pakidajuć šeście, vyrašyŭšy nie zastavacca na mitynh. Z boku milicyi nijakich pieraškod niama.
18.55
Hałava kałony dajšła ŭžo da skryžavańnia Surhanava i Jakuba Kołasa. Hukajuć «Atam mirnym nie byvaje!»
18.40
Kałona rušyła. Na čale jaje łunaje šmat razmaitych ściahoŭ. Anarchisty zapalvajuć fajery. Udzielniki hukajuć «Žyvie Biełaruś!», «Šanuj pryrodu — šanuj Biełaruś».
Pavodle papiarednich padlikaŭ, u kałonie kala 700 čałaviek.
18.30
Mnohija ŭdzielniki kreatyŭna padyšli da sioletniaj akcyi. Niekatoryja pryjšli ŭ kaściumach likvidataraŭ, inšyja ładziać mini-pierformansy — «čarnobylskaja niaviesta», «truna z abiacankami», «padkińcie Śmierć da Astraŭca» i inš.
18.20
Udzielniki praciahvajuć padychodzić, ich užo kala 400-500 čałaviek. Siarod ich Alaksandr Milinkievič, Taćciana Karatkievič, Andrej Dźmitryjeŭ, Pavieł Sieviaryniec, Vital Rymašeŭski, Juraś Hubarevič, Uładzimir Niaklajeŭ, Aleś Maračkin, Valeryj Mazynski, Źmicier Vajciuškievič.
Supracoŭniki siłavych viedamstvaŭ, jak zvyčajna, prysutničajuć u cyvilnym, ale pakul nijak siabie nie prajaŭlajuć, akramia taho, što zdymajuć prysutnych na kamiery.
18.10
Na miescy zboru ŭdzielnikaŭ kala 300 čałaviek.
U rukach udzielnikaŭ akcyi raściažki: «Šanuj pryrodu — šanuj Biełaruś», «Nie samabudu — Astravieckaj AES», «Rasija, spynisia, chopić źniščać».
***
«Čarnobylski šlach» — vuličnaja akcyja, jakuju biełaruskaja apazicyja pravodzić štohod z 1988 hoda ŭ Minsku ŭ farmacie šeścia, što zaviaršajecca mitynham pradstaŭnikoŭ demsił. Vyklučeńniem byŭ 2011 hod, kali staličnyja ŭłady zabaranili šeście, daŭšy dazvoł tolki na mitynh.
Sioleta hanarovym staršynioj arhkamiteta akcyi «Čarnobylski šlach» stała nobieleŭski łaŭreat Śviatłana Aleksijevič.
* * *
Arhanizatary «Čarnobylskaha šlachu», jaki adbudziecca 26 krasavika ŭ Minsku, majuć namier patrabavać nieadkładnaha spynieńnia budaŭnictva AES u Astraŭcy.
Zbor udzielnikaŭ akcyi, dazvoł na praviadzieńnie jakoj daŭ Minharvykankam, pavinien prajści z 18.00 da 18.30 kala kinateatra «Kastryčnik». Zatym adbudziecca demanstracyja pa vulicach Surhanava i Arłoŭskaj da carkvy ŭ honar ikony Božaj Maci «Spatoleńnie zahinułych», dzie z 20.00 da 21.00 zapłanavany mitynh i cyrymonija ŭskładańnia kvietak.
Kamientary