Vostruju dyskusii ŭ Polščy vyklikaŭ vypadak u Varšavie. Paŭtarahadovaje dzicia pamierła ad viatranki. Vyhladaje na toje, što baćki naŭmysna zarazili jaho chvarobaj. Jany trymalisia antypryščepačnych pohladaŭ. Tamu jany prynieśli małoje na «viatrankavuju viečarynu», kab jano samo pierachvareła i takim čynam vypracavała imunitet.
11 lutaha dzicia pamierła ŭ špitali na praśpiekcie Žvirki i Vihury, piša Gazeta Wyborcza. Tudy jano trapiła ŭ stanie ahonii paśla troch dzion chvareńnia.
Baćki pryznalisia daktaram, što zanosili małoje na tak zvanuju «viatranka party».
U Biełarusi pryščepki ad viatranki nie ŭvachodziać u lik abaviazkovych, ale ich rabili sa zhody baćkoŭ na dobraachvotnaj asnovie častcy školnikaŭ.
Bolšaść ludziej lohka pieranosiać viatranku, asabliva va ŭroście ad 3 da 15 hadoŭ. Ale ŭ niekatorych jana praciakaje ŭ vielmi ciažkaj formie.
Va ŭsich krainach jość ludzi, jakija ličać, što pryščepki nanosiać škodu zdaroŭju. Daktary dakazvajuć, što hetkija mierkavańni nie majuć pad saboj hruntu.
Usieahulnaje pryščapleńnie pryviało da taho, što ludzi pierastali chvareć na mnohija raniej masavyja chvaroby, ad poliamijelitu da vospy.
Ciapier čytajuć
Biełarusy ŭ sacsietkach aburajucca, što dekretnicam nibyta płaciać bolš, čym tym, chto chodzić na pracu11
Biełarusy ŭ sacsietkach aburajucca, što dekretnicam nibyta płaciać bolš, čym tym, chto chodzić na pracu
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii11
Kamientary